"Туркия президенти Фаластинликларни ҳимоя қилиш учун энг баланд овозда гапирадиган етакчи бўлиши мумкин, лекин у Исроилга ҳақиқатан ҳам зарба бериши мумкин бўлган санкция чақирувларига эътибор бермаяпти", деди туркиялик таҳлилчи ва журналист Феҳим Таштекин "Qafqazinfo"га.
Ф.Тоштекин бир томондан Хамасни, бошқа томондан эса Туркия-Исроил савдосини ҳимоя қилар экан, Президент Ражаб Тоййиб Эрдўған икки ўт ўртасида қолгани, на ғарблик шерикларни, на ўзининг Адолат ва тараққиёт партиясининг (AKP) оддий аъзоларини хурсанд қила олмаётганини таъкидлади.
"AKP ҳукмронлигининг йигирма йиллик даврида Анқаранинг Фаластин тарафдори нутқи исломий риторика билан тўлдирилиб, баландроқ бўлди, бироқ Туркиянинг Исроил билан савдо алоқалари ҳам ўсди. Уларнинг икки томонлама савдоси 2002 йилдаги 1,4 миллиард доллар бўлган бўлса, 2022 йилда 8,9 миллиард долларни ташкил этди. Ўтган йили Исроил турк товарларининг энг йирик 10-харидори, Туркия импортининг эса 29-чи йирик манбаси эди.
Туркия раҳбари Исроилга қарши ҳар қандай ҳақиқий санкциялардан қочиб, содиқ тарафдорларини ҳафсаласи пир қилди. Эрдўған буни Исроилга қарши кескин баёнотлар билан қоплашга уринди, AKP ёшлари эса, ўз навбатида, Starbucks дўконларида ўтириб намойишлар уюштириб, вазиятни идрок этишни назорат қилишга ҳаракат қилди. Аммо бу реакцияларнинг ҳеч бири Исроилга қарши ҳақиқий ҳаракатга олиб келмади.
Анқаранинг дипломатик муносабати Тел-Авивдан элчисини маслаҳатлашувлар учун чақириб олиш билан чекланди. Шу ой бошида Эрдўған Нетаняхуни суҳбатдош сифатида "ҳисобдан чиқарганини" айтди, бироқ Исроил билан "муносабатларнинг тўлиқ узилиши" кутилмаслигини қўшимча қилди, дейди эксперт.
Исроил Туркия орқали нефть олишда давом этмоқда, жумладан Озарбайжондан Ўртаер денгизи Жейҳан портига ва Туркиянинг ғарбий қисмидаги SOCAR нефтни қайта ишлаш заводига қувурлар орқали етказиб бериладиган хом нефтни. Таъминот манбаи Озарбайжон, Туркия эса жўмракларни очиқ ушлаб турибди.
