Унинг республикачиларга берган буйруғи ҳақида ОАВ хабар топди.
АҚШнинг собиқ президенти сиёсий очколарни қўлга киритиш учун Украинага қўшимча маблағ ажратишни хавф остига қўймоқда.
АҚШ президентлиги сайловларида республикачилар партиясидан энг эҳтимолий номзод Дональд Трамп Конгрессдаги республикачилардан чегарани мустаҳкамлаш бўйича АҚШ нинг Украина ва Исроилга 61 миллиард долларлик ёрдам ажратилишига тўсқинлик қиладиган келишувга овоз бермасликни талаб қилмоқда. Бу ҳақида CNN материалида айтилади.
Журналистларга кўра, собиқ президент ҳозирги давлат раҳбари Жо Байденни бу масалани ҳал қила олмаганликда айблаб, сайловолди кампаниясини иммиграция сиёсати атрофида қуриш ниятида. "У ноябрь ойида бу масала бўйича сайловолди ташвиқотини ўтказмоқчи ва президент Жо Байден сиёсий жиҳатдан заиф бўлган ҳудудда ғалаба қозонишини истамайди", — дейилади мақолада. Ҳар икки партиядан Сенат аъзолари ҳамон чегара келишуви бўйича олдинга силжишни кутишмоқда, аммо унинг тақдири ҳозирча номаълумлигича қолмоқда.
Материалда қайд этилишича, Трампнинг республикачилар партиясидан президентликка номзод сифатида кўрсатилиши эҳтимоли унинг Нью-Хемпширдаги праймериздаги ғалабаси билан мустаҳкамланган. Бунгача АҚШ нинг собиқ президенти Айова штатидаги праймеризда ғолиб чиққан эди. Эслатиб ўтамиз, бир неча кун олдин Трамп "чегара бўйича ёмон келишув бундай келишувнинг йўқлигидан кўра ёмонроқдир" деган эди. Унинг сўзлари Байденнинг "Иттифоқнинг аҳволи" ҳақидаги мурожаатидан сўнг янгради, унда президент қонунчиларни келишув бўйича муросага келишга чақирди. Аввалроқ Financial Times Трампнинг чегара келишувини бузишга уринишлари ва иммиграция масаласини 2024-йилги президентлик пойгасининг марказий қисмига айлантириш нияти ҳақида ёзган эди.
