Дональд Трампнинг тантанали инаугурацияси, у ўзининг қудратли миллиардер тарафдорлари орасида суратга тушган тадбир, аччиқ хотирага айланди.

Атиги икки ой ичида бу магнатлар улкан йўқотишларни ҳисоблашга мажбур бўлдилар – уларнинг умумий бойлиги 1,39 триллион долларга камайди.

Ноябрдан январгача Уолл-стрит шодиёна қилиб, S&P 500 индекси рекордларни янгилади, криптовалюта бозори осмонга кўтарилди ва Трампни қўллаб-қувватлаган миллиардерлар ўз капитали жадал ўсишидан баҳраманд эдилар.

Аммо ваъда қилинган "олтин аср" аянчли ҳақиқатга айланди.

S&P 500 кескин пасайиб, 4 триллион доллардан ортиқ бозор қийматини йўқотди, Nasdaq 10% тушиб кетиб, рецессиянинг бошланганини кўрсатди.

Энг катта зарбани Илон Маск қабул қилди – яқиндагина у тарихдаги энг бой одам деб эълон қилинган эди.

Декабрда унинг бойлиги 486 миллиард долларга етган бўлса, кейин у 148 миллиардга қисқарди, бу эса шахсий капиталнинг тарихдаги энг кескин пасайиши бўлди.

Tesla акциялари сайловдан сўнг кўтарилган бўлса-да, худди шундай тезликда қулаб тушди.

Европада компания сотувлари 70% га, Хитойда эса 49% га камайди.

"Трамп миллиардерлар клуби"нинг бошқа аъзолари ҳам зарбаларддан қутула олмадилар.

Джефф Безос Amazon 14% тушиб кетганидан сўнг 29 миллиард доллар йўқотди, Сергей Брин – 22 миллиард, Марк Цукерберг эса "атиги" 5 миллиард йўқотди.

Молиявий пуфак ёрилиб, Трампнинг собиқ иттифоқчиларини шафқатсиз иқтисодий реаллик қаршисида қолдирди.