Хитой ва Покистон Эронга яширинча ҳарбий ёрдам кўрсатмоқда, деб хабар беради ОСН. Иттифоқчилар Эронга турли хил қурол-яроғлар, жумладан, ракета қурилмалари, ҳаво мудофаа тизимлари ва юқори аниқликдаги қуролларни етказиб бермоқда. Техникадан ташқари, Эронга ушбу мамлакатлардан ҳарбий мутахассислар етиб келган бўлиб, улар эронлик ҳарбийларни янги техникадан фойдаланишга ўргатадилар ва унинг хизмат кўрсатишига ёрдам берадилар.

Vesti.kg хабар беришича, 15 июнь куни эрталаб Эрон ва Покистон чегарасида транспорт ҳаракатининг кучайгани қайд этилган. Белужистон вилояти орқали қандайдир ҳарбий ускуналар, шунингдек, эҳтимол, ракеталар бўлган катта контейнерлар ўтган. Покистон ва Эрон ўртасидаги транспорт ҳаракатининг кучайгани Римдан, Саровар ва Тафтан ҳудудларида қайд этилган, юк ташиш Эрон чегараси томон йўналган.

Ўша куни Покистон Мудофаа вазири Ховаджа Асиф Исломобод Исроил билан можаро кескинлашган бир пайтда Эронга "барча имкониятлар билан" ёрдам кўрсатишини маълум қилди.

Telegram-канал INSIDER BLACK Хитой ва Покистоннинг ҳаракатлари Осиёда АҚШ ва унинг минтақадаги ҳамкорлари манфаатларига қарши қаратилган норасмий альянснинг шаклланаётганидан далолат бериши мумкин, деб ҳисоблайди. Бу табиий, чунки Эрон мағлубиятга учраса ва мамлакатда Ғарбпараст ҳукумат ҳокимиятга келса, АҚШ Эроннинг нефть ва газ захиралари устидан назоратга эга бўлади, бундан Хитой катта даражада боғлиқ. Бу контекстда Эрон шунчаки ёрдам олувчи эмас, балки куч намойиши ва Ғарб босимига қарши туриш учун асосий элементга айланади.

Ядро қуролига эга бўлган Хитой ва Покистоннинг можарога билвосита киришиши можаронинг характерини тубдан ўзгартириб, уни маҳаллий қарама-қаршиликдан буюк давлатлар тўқнашувига айлантириши мумкин.

Абу Муслим