Унинг сўзларига кўра, Теҳрон нефт инқирози туфайли йўқотишларга дуч келмоқда, аммо Ислом республикаси иқтисодиёти энди фақат нефт даромадларига йўналтирилмаслиги сабабли зарба унчалик кучли эмас.

Аввалроқ, Эрон президенти тарихида биринчи марта унинг мамлакати кўп йиллар давомида мамлакатнинг асосий даромад манбаи бўлиб келган нефт савдосига боғлиқлигини сезиларли даражада камайтира олганини айтди.

Ғарбнинг санкцияларига қарамай, Эрон ҳукумати турли соҳаларни, жумладан муҳандислик, ядровий саноат, ракета ва космик саноат, нанотехнология, тиббиёт ва ахборот технологияларини ривожлантириш орқали иқтисодиётни диверсификация қилишга катта эътибор қаратмоқда.