Бунда янги маҳсулот турли динларга эътиқод қиладиган кишилар учун мўлжалланган.
Исломий ипотека муробаҳа воситалари ёрдамида тақдим этилади ва анъанавий ипотекадан фоиз ставкаси йўқлиги билан фарқланади, чунки бу шариат тамойиллари ва қонунлари билан тақиқланган.
Маҳсулот структураси қуйидаги кўринишга эга: банк уй-жойни харид қилади ва уни мижозга пулини бўлиб-бўлиб тўлаш шарти билан устама нархда сотади, бунда устама нархи мижозга олдиндан маълум бўлади ва бутун молиялаштириш муддати давомида ўзгармайди. Маҳсулотнинг асосида шаффофлик ва йд ётади: мижоз уй-жойнинг якуний нархини дарҳол кўра олади.
«Исломий ипотекани йўлга қўйиш Қозоғистонда исломий банкингни ривожлантириш йўлида муҳим қадам ҳисобланади. Бу жисмоний шахслар учун мўлжалланган исломий молиялаштириш чакана маҳсулотларининг биринчисидир. Умид қиламизки, мижозлар бизнинг маҳсулотларимиз афзалликлари, ўзига хос ва фойдали шартларини муносиб баҳолайди" – дейди "Al Hilal" исломий банки бошқарув раисининг муовини Елтай Мухамеджанов.
