Маълумотларга кўра, сайловчиларнинг 6,8 фоизи Лукашенконинг асосий рақиби - Светлана Тихановскаяга овоз берган.
Белоруссиянинг қатор шаҳарларида, жумладан, пойтахт Минскда президент сайловининг дастлабки натижаларидан норози одамлар кўчаларга чиқди.
Намойишчилар ва хавфсизлик кучлари ўртасида отишмалар юз берди.
Маълум қилинишича, шаҳарларнинг Марказий автомобил йўлларида йўл ҳаракати тўсиб қўйилган ва Интернетга кириш мамлакатда тўсиб қўйилган.
Мухолифатдан сайловда иштирок этган Светлана Тихановская сайловчиларнинг аксарияти унга овоз берганига ишонч билдирди.
Тихановская ўз тарафдорларини овозларни санашни кузатиш учун сайлов участкаларига келишга чақирди.
Аввалроқ МСҚ раиси Лидия Ермошина журналистларга маҳаллий вақт билан 18.00 да бўлиб ўтган президентлик сайловида сайловчи 79.01% ни ташкил этганини маълум қилганди.
Сайловда жами 5767 сайлов участкаси, жумладан, мамлакат ҳудудидн ташқарида 44 сайлов участкаси тузилди. Ҳарбий қисмлар (13), санаторийлар, диспансерлар, дам олиш уйлари, шифохоналар ва стационар шароитда тиббий ёрдам кўрсатадиган бошқа соғлиқни сақлаш ташкилотларида (231) очилганларда участка комиссиялари рўйхатга киритилган барча сайловчилар ўз танловини амалга оширса, овоз беришни 20.00 га қадар якунлаган деб еълон қилиши мумкин.
Президентликка номзодлар беш киши: Андрей Дмитриев, Анна Конопаcка, Александр Лукашенко, Светлана Тихановская, Сергей Черечень.
Давлат раҳбари овоз беришда иштирок этган сайловчиларнинг ярмидан кўпи томонидан қўллаб-қувватланган бўлса, сайланган ҳисобланади.
Овоз бериш маҳаллий вақт билан 08: 00 да бошланиб, 20: 00 да тугади.
Сайлов кампаниясини 248 халқаро ва қарийб 50 минг миллий кузатувчи кузатиб боради.
Сайловчилар рўйхатига киритилган фуқароларнинг ярмидан кўпи овоз беришда иштирок этган бўлса, сайловлар бўлиб ўтиши эътироф этилади. Давлат раҳбари овоз беришда иштирок этган сайловчиларнинг ярмидан кўпи томонидан қўллаб-қувватланган бўлса, сайланган ҳисобланади.
Александр Лукашенко 1994-йилдан буён Белоруссия Президенти бўлиб келмоқда.
2015-йилда Белоруссиянинг сўнгги президентлик сайловларида Лукашенко 83,49 фоиз овоз билан ғалаба қозонди.
