Покистон ташқи ишлар вазирлиги хабар қилишича, вазир дипломатик миссиялар раҳбарларига Покистонда Ҳиндистон томонидан терроризмни режалаштириш, рағбатлантириш, қўллаб-қувватлаш, ундаш ва молиялаштириш ҳақида маълумот берган.

Элчиларга Ҳиндистоннинг минтақада, жумладан Покистон ҳудудида терроризмни молиялаштириши далиллари келтирилган досье берилди.

Вазирликнинг қайд этишича, Покистон Нью-Деҳлининг террорчи ва беқарорлаштирувчи позицияси ҳақида жаҳон ҳамжамиятига хабар беришда давом этади.

Покистон армияси 13 ноябр куни хабар беришича, Ҳиндистондан ракета ва миномет ҳужумлари натижасида бир аскар ва беш нафар тинч аҳоли вакили ҳалок бўлган ва 30 дан ортиқ тинч аҳоли, жумладан аёллар ҳам яраланган.

Шу билан бирга, Ҳиндистон ҳукумати Покистон тарафидан уюштирилган ҳужумлар натижасида беш аскар ва олти тинч аҳоли ҳалок бўлганини маълум қилди.

Покистон Ҳиндистоннинг терроризмни молиялаштириши бўйича досье тайёрлади

14 ноябр куни Покистон дипломатияси раҳбари Исломобод халқаро ташкилотлар, жумладан, БМТ ва ИҲТга Ҳиндистон террорчиликка ҳомийлик қилгани ҳақидаги далиллар билан досье юборганини маълум қилди.

Вазирнинг қайд етишича, биргина ўтган уч йил ичида Ҳиндистон ҳукумати "Жамаат-ул Аҳрар", "Толибон" нинг Покистон бўлими, "Белужистон Озодлик армияси", "Белужистон озодлик фронти" ва "Белужистон Республика армияси" каби жиноий ташкилотларга 22 миллиард рупия ўтказиб берган.

Покистондаги вазиятни беқарорлаштириш мақсадида Ҳиндистон ҳукумати бу ташкилотларни қўлбола портловчи қурилмалар, ўқ-дорилар ва қурол-яроғ билан таъминлаган.

Қурайший Ҳиндистоннинг Хитой-Покистон иқтисодий йўлагига (CPEC) путур етказишга уринишларига ҳам эътибор қаратди.

Вазирнинг сўзларига кўра, Ҳиндистонда бош вазир Нарендра Модидан тўғридан-тўғри кўрсатмалар олган ва CPEC лойиҳаларини саботаж қилишга интиладиган гуруҳ мавжуд.

Куреиши CPEC ишини саботаж қилиш учун Ҳиндистон томони 80 ммиллион рупий ажратганини ва 700 киши махсус таълим олганини қўшимча қилди.