Аниқланишича, бугун 22 декабрь куни соат 09.30 ларда Сурхондарё вилояти, Шеробод туманида жойлашган жомеъ масжиди биноси ичида фуқаро М.Ш. (1974 й.т., ишсиз) шу масжиднинг котиби Ш. Г. билан ўзаро жанжаллашиб, ўзи билан олиб келган ошхона пичоғи билан унга тан жароҳати етказган.
Жабрланувчи Ш. Г. олган тан жароҳатлари оқибатида шифохонага олиб кетилаётганида йўлда вафот этган.
Мазкур ҳолат юзасидан М.Ш.га ЖКнинг 97-моддаси (Қасддан одам ўлдириш) 1-қисми билан жиноят иши қўзғатилган ва у процессуал тартибда ушланган. Бу ҳақда gazeta.uz хабар тарқатди.
Тергов ҳаракатлари давом этмоқда.
