Абдулҳақ Обидов (диндорлар орасида Махсуми Абдулҳақ номи билан кўпроқ маълу) Вахдат шаҳрида Тожикистоннинг тўрт нафар фуқароси билан бирга қўлга олинган. Уларга нисбатан жиноий ишлар очилган.

Радио «Озоди» хабар беришича, имам-хатиблар ҳукумат томонидан тайинланади ва давлат дотациясида бўлади. Хусусан, Обидов Шохмансур тумани масжидида тўрт йилга яқин ишлаган. «Озоди» хабарида шунингдек, «Бомдод» сайтининг Обидов машҳур дин арбоби Домулло Ҳикматуллонинг дафн маросимида айтган сўзлари учун ҳибсга олингани ҳақида тахминлар ҳам келтирилган. У марҳумни «мамлакатнинг буюк етакчиларидан бири» деб атаган ва «бу амалдаги президент номига кўланка солган».

Бу орада дин ишлари, урф-одат ва маросимларни тартибга солиш бўйича қўмита имом-хатибнинг ҳибсга олиниши Домулло Ҳикматуллонинг дафн маросимидаги сўзларга ҳеч қандай алоқаси йўқлигини айтди.

«Салафия» - исломдаги фундаменталистик сунний оқим. Унинг издошлари илк мусулмон жамоасининг ҳаёт йўли ва имони ҳисобланган "соф ислом" га эътибор қаратишга чорлайдилар. Аксарият аҳоли ислом динига эътиқод қиладиган Тожикистонда расмий йўналиш Ҳанафий мазҳаби ҳисобланади. "Салафия" 2000-йиллар охирида тақиқланди ва кейинчалик Олий суд уни экстремистик ҳаракат деб таснифлади. Тожикистон Ислом маркази уламолар Кенгаши фатво бериб, унда бу йўналиш издошлари билан "муросасиз кураш" га чақирди.

Блогер Жунаидулло Худоеров, шунингдек, Суғд вилоятида таниқли юрак жарроҳи Абдумалик Саломов каби ўнлаб кишилар салафизмни тарғиб қилишда айбланиб, қамоққа олинган.