Қуддус Ислом фондлари бошқармаси матбуот хизмати хабарига кўра, яҳудий кўчкиндилар ал-Ақсанинг жануби-ғарбий қисмида жойлашган «Баб ал-Мағриб» дарвозаси (Марокаш дарвозаси) орқали масжидга бостириб кирган.

Бир гуруҳ яҳудийлар масжиднинг ички ҳовлиларидан ўтиб, ал-Ақса ҳудудини тарк этди.

Яҳудий кўчкиндиларининг масжид ҳудудига пешиндан кейин бостириб кириши кутилмоқда.

Мутаассиб яҳудий кўчкиндилар гуруҳи полиция ҳамроҳлигида «ал-Ақса» масжиди ҳудудига бостириб кирмоқда. Бу фаластинликларнинг ғазабига сабаб бўлиб, тўқнашувларга олиб келмоқда.

Қуддусдаги «ал-Ақса» масжиди мусулмонларнинг биринчи қибласи (намоз пайтида юзи билан қараб турадиган томон) ҳисобланади.

1994 йил 26 октябрда Исроил ва Иордания ўртасида имзоланган тинчлик шартномасига кўра, ал-Ақса масжиди Иордания вақф, ислом ва Муқаддас жойлар вазирлиги таркибига кирувчи Қуддус Ислом фондлари бошқармаси ҳомийлигида.

Бироқ 2003 йилдан бери яҳудийлар Исроилнинг бир томонлама қарори билан департамент рухсатисиз полиция ҳамроҳлигидаги мақбарага бостириб кирмоқда.

Қуддус Ислом фондлари бошқармаси бундай ҳаракатларни "босқин" ва мусулмонлар суверенитетини бузиш деб атамоқда.