10 декабрдан бошлаб кўпчилик жамоат жойларида, жумладан, кинотеатрлар, театрлар ва бошқа маданий муассасаларда ниқоблардан фойдаланиш мажбурий бўлиб қолади. Бу қоида хизмат кўрсатиш муассасаларига қатнашувчилар ёки спорт билан шуғулланувчилар учун амал қилмайди.
13 декабрдан бошлаб Англия аҳолиси уйидан ишлаши тавсия этилди. 15 декабрдан, агар COVID-паспорт тунги клублар, концертлар ва кўплаб оммавий тадбирларда қатнашиш учун талаб қилинади. Расмийлар, шунингдек, коронавирус билан касалланган беморлар билан алоқада бўлганларни уй карантинига юбориш ўрнига, кундалик равишда синовдан ўтказишни режалаштирмоқда.
Ҳукумат бу чоралар омикрон вариантининг Буюк Британияда тарқалишини секинлаштиришини кутмоқда. Британия Соғлиқни сақлаш вазирлиги раҳбари Сажид Жавиднинг маълум қилишича, 8 декабрь кунидаёқ Буюк Британияда омикрон штаммини юқтириш бўйича 568 та ҳолат тасдиқланган ва янги ҳолатлар сони ҳар икки ярим-уч кунда икки марта кўпаяди.
Борис Джонсон Бирлашган Қироллик Бош вазири идораси ходимлари 2020 йил декабр ойида локдаун вақтида Даунинг-стритда бўлиб ўтган Рождество оқшоми ҳақида ҳазиллашадиган видеодан келиб чиққан жанжал фонида ковидга қарши чораларни кучайтирилишини эълон қилди. Борис Джонсон видео учун узр сўради ва ички терговни буюрди. Видеода кўринган Джонсоннинг аппарати ходими Аллегра Страттон истеъфога чиқди.
