Бу ҳақида Украина қуролли кучларининг қуруқликдаги қўшинлари ўзининг Facebook саҳифасида маълум қилди.

"Қўрқинглар, орклар! "Bayraktar TB2", худди "юмронқозиқ" каби. Сиз уни кўрмайсиз, лекин у бор!", – дейилади хабарда.

Украина мудофаа вазири Алексей Резников ўз саҳифасида тасдиқлашича, 2 март, чоршанба куни, Украинага «Байрактар» учувчисиз учиш аппаратларининг янги партияси етиб келди ва жанговар навбатчиликка қуйилди.

"Биз олаётган ёрдам миқдори ортиб бормоқда. Бундай ёрдам кўрсатаётган мамлакатлар сони ортиб бормоқда. Ҳатто буни имконсиз деб ҳисобланганлар ҳам қўшилишади. Украинага янги байрактарлар келди ва жанговар навбатчиликка қўйилди. Янада кўпроқ стингерлар ва джавелинлар бўлади", деди у.

Эслатиб ўтамиз, «Байрактар» ҳужумчи-разведкачи учувчисиз учиш аппаратлари Украинадаги энг кучли қуроллардан биридир. Бу операцион ва тактик кўп мақсадли учувчисиз учиш тизими бўлиб, у назорат станциясидан анча масофада разведка ўтказиши, нишонларни мустақил равишда кузатиши ва йўқ қилиши мумкин.