Россиянинг олий муфтийси, Мусулмонлар марказий диний идораси раиси Талғат Тожуддин:
“Асрлар давомида буюк Ватанимизнинг анъанавий динларига эътиқод қилувчи 193 та каттаю кичик халқларни бирлаштириб келаётган бирлашган давлатимиз Президентининг аниқ ва очиқ Мурожаатномасини тўлиқ англаган ҳолда, махсус ҳарбий операция ўтказиш, Украина ҳудудида аҳолини ҳимоя қилиш, демилитаризация қилиш ва ушбу жафокаш минтақада нацизмнинг тикланиш хавфини йўқ қилиш, бу қадамларни Россиянинг ўзи хавфсизлигини таъминлашнинг асосий чоралари сифатида қабул қилиш тўғрисидаги қарорни чин дилдан қўллаб-қувватлаймиз.
Чеченистон муфтийси Салоҳ Межидов:
“Украинадаги уруш жиҳод, унда (Россия томонида) қатнашаётганлар Аллоҳ йўлида жанг қилмоқда”.
Ингушетия мусулмонлари диний маркази раиси, Ахмед Сагов:
“Россиянинг барча фуқаролари Украина хавфсизлик кучлари ҳужумкор операция ўтказаётган Донбассдаги воқеалар фонида ўз мамлакатлари раҳбарияти атрофида бирлашишлари керак. Диндорлар президент Владимир Путин томонидан Донбассда эълон қилинган махсус ҳарбий операцияни тушуниш билан қабул қилишди, чунки бу тинч аҳолини ҳимоя қилишдир. Ҳарбий хизматчиларнинг яқинларига хотиржамлик ва ишонч тилайман. Барча фарзандларимиз уйларига соғ-саломат қайтсинлар”.
Оренбург вилояти муфтийси, Алфит Шарипов:
“Кучли Россия ҳеч кимга - ўзимиздан бошқа ҳеч кимга керак эмаслиги узоқ вақтдан бери маълум бўлди. Аммо бизнинг давлатимиз Ғарб Донбасс аҳолисини иккинчи даражали одамлар, бизнинг мамлакатимиз эса ўзининг синов майдони деб ҳисоблашига ҳеч қачон рози бўлмайди. Эълон қилинган тинчликпарвар операция ягона тўғри қарордир”.
Бошқалар эса, катта урушдан қочишга умид қилиб, "Донбассни қўллаб-қувватлаш" билан чекланишди.
Россия Федерацияси мусулмонлари диний идораси муфтийси, Равил Гайнутдин:
"Биз жафокаш республикаларни тан олиш бўйича ягона тўғри қарор қабул қилган шахсни тушунамиз ва қўллаб-қувватлаймиз. Булар мамлакатимиз фуқароларининг Донбассдаги болалар, аёллар ва қариялар ҳаётини ҳимоя қилиш учун қўлидан келган барча ишни қилиш ҳақидаги адолатли талабларидир. Улар ҳар куни ўққа тутилмоқда, қўрқув, руҳий зўриқиш, портлашлар ва бегуноҳ одамларнинг қонини кўриб, узоқ вақт давомида Украина томонини ҳам, ғарблик ҳомийларини ҳам сабр-тоқат билан чақиришмоқда. Аллоҳ Таолодан энг даҳшатли сценарийни – кенг кўламли урушни олдини олишни сўраймиз!"
Россия мусулмонлари диний ассамблеяси муфтийси, Албир Крганов:
“Эҳтимол, давлат раҳбари учун бу осон қарор бўлмагандир, лекин жамият, экспертлар, Хавфсизлик кенгаши фикрини инобатга олиб, шундай қарорга келди. Ва "очиқ" Хавфсизлик Кенгаши аъзолари айтганидек, бу мажбурий қарор. Мусулмонлар Россия фуқаролик жамиятининг алоҳида қисми эмас. Одамлар Донбассда нима бўлаётганини кўришади ва тушунишади. Россия мусулмонлари эса ДХР ва ЛХР мустақиллиги тан олинишини тушуниш билан қабул қилишади”.
Бу одамларнинг барчаси у ёки бу тарзда фақат қиёматда эмас, балки бу ҳаётда ҳам ўз жавобини олади, инша Аллоҳ. Бундан ташқари, нафақат Украина мусулмонларининг қони ва мол-мулки, балки уларнинг розилиги билан Украинада ҳалок бўлаётган мусулмон минтақалари ва Россияликларнинг оилалари учун ҳам.
Ҳақиқий ислом уламолари Путин Россиясининг Украинага қарши тажовузини қораладилар. Бутунжаҳон мусулмон уламолари кенгаши раиси Али Қарадоғийнинг сўзлари:
"Бизнинг позициямиз уруш ва Россия тажовузига, шунингдек, ҳеч қандай сабабсиз қўлига қурол олган ҳар қандай одамга қарши. Биз бир-биримиз билан музокаралар олиб бориш тарафдоримиз ва биз Россия агрессиясига қаршимиз. Бир сўз билан айтганда, бизнинг позициямиз зўравонлик ва золимликка қаршидир".
