Штабда айтишларича, Украина қуролли кучлари ҳаво ҳужумига қарши мудофаа қўшинлари томонидан Россиянинг учта жанговар вертолёти уриб туширилди.

Унинг сўзларига кўра, кун давомида душман фаол ҳужум ҳаракатларини амалга оширмаган, асосий эътибор ҳозирги йўқотишларни тўлдириш, қисман йўқ қилинган техникаларни тиклаш, хорижий ҳарбий ёлланма аскарларни Украина билан чегарадош ҳудудларга ўтказиш, Украина ҳудудида фаолият юритаётган босқинчи қўшинларнинг логистика билан сурункали муаммоларини ҳал қилиш бўйича ҳаракатларга қаратилган.

Бош штабнинг таъкидлашича, босқинчилар қатъий маъмурий-полиция режимини ўрнатиш учун террористик усуллардан фойдаланмоқда, вақтинча босиб олинган ҳудудларда гуманитар инқироз учун атайлаб шароит яратмоқда.

Хусусан, ўтган кун давомида Днепропетровск вилоятининг Апостолово шаҳридан Херсон вилоятига озиқ-овқат ва зарур дори-дармон билан 14 та юк машинаси йўл олди. Рус босқинчилари гуманитар конвойни ўтказиб юбормади. Шундай қилиб, улар маҳаллий аҳолини коллаборационизмга мажбурлашга уринмоқда.

Бош штабга, шунингдек, Киев йўналишидаги жангларда қатнашган 331-гвардия парашют-десант Кострома полкининг жамланма отрядидан битта аскар омон қолгани ва у касалхонада эканлиги маълум бўлди.

"Бундай ҳолатлар фонида Россия Қора денгиз флоти қўмондонлиги шошилинч равишда 810-денгиз бригадасининг 130 та бўйин товлаган шартнома асосида хизмат қилувчиларни 7-ҳаво-десант дивизиясининг десантчилари билан алмаштириш чораларини кўрмоқда. Уларнинг кейинги хизмати масаласини ФСБ ҳал қилади", - дейилади хабарда.

Бундан ташқари, Донецк вилоятининг босиб олинган ҳудудида россиялик кураторлар томонидан 1-армия корпусини тўлдириш учун навбатдаг сафарбарлик эълон қилинди. Сафарбар қилинадиган шахсларнинг энг катта ёши 65 ёш деб белгиланган. Худди шундай ҳолат Луганск вилоятининг босиб олинган ҳудудларини ҳам кутяпти.