28 апрель куни кечки соат 20:00 атрофида Киевнинг ўққа тутилиши натижасида тинч аҳоли вакиллари жабрланган. Фавқулодда вазиятлар давлат хизмати матбуот котиби Светлана Водолаганинг сўзларига кўра, жабрланган объектлардан бири турар-жой секторидир. Ракета пастки қаватларга тушган, ўша пайтда юқори қаватларда одамлар бўлган.
Шаҳар мери Виталий Кличко ракета ҳужумини тасдиқлади - Шевченковский туманига иккита ракета келиб тушди.
Президент девони раҳбари Андрей Ермак Россия Федерациясини ташкилот Хавфсизлик кенгашида вето ҳуқуқидан маҳрум этишга чақирди: "БМТ Бош котибининг Киевга ташрифи чоғида Россия пойтахтга ракета зарбалари берди. Бу Россия Федерацияси устидан тезкор ғалабага муҳтожлигимиз ва бутун цивилизациялашган дунё Украина атрофида бирлашиши кераклигининг исботидир. Биз тезда ҳаракат қилишимиз керак "Кўпроқ қурол, кўпроқ инсонпарварлик саъй-ҳаракатлари, кўпроқ ёрдам... Россия БМТ Хавфсизлик Кенгашида вето ҳуқуқидан маҳрум қилиниши керак".
