Мақола "Тадамон қирғини: икки олим суриялик уруш жиноятчисини қандай кузатиб боришди" деб номланган ва Яқин Шарқдаги мухбир Мартин Чулов томонидан ёзилган.
Айнан Тадамонда тинч аҳоли гуруҳлари тўпланиб, чуқурга қараб ташланган ва отиб ташланган.
Британия газетасининг хабар беришича, қирғиндан кейин оммавий қабрда камида 41 кишининг жасади бўлган. Кейин жасадларга ёнилғи сепиб, ёқиб юборилган. Видеода аскарлар кулаётганини эшитиш мумкин.
The Guardian нашрининг ёзишича, қирғин Сурия ҳарбий разведкасининг 227-бўлими томонидан амалга оширилган. Бу Сурия режими етакчиси Башар Асад қароргоҳидан бир неча чақирим узоқликда содир бўлган.
Чуловнинг ёзишича, бу кадрлар "бутун Сурия можаросининг энг кўп айбланаётган видеоларидан бири" ва "бизга 10 йиллик урушнинг илгари айтиб бўлмаган қисми ҳақида тасаввур беради".
Видеоёзув Асад режими қўшинларига яқинда олинган шахс томонидан ёзиб олинган бўлиб, уни аввал Франциядаги мухолифат фаолига, кейин эса икки тадқиқотчига: Амстердам университети қошидаги Холокост ва геноцид маркази профессори Угюр Умит ва Ансор Шаҳудга берилган.
Асад режимининг танқидчиси Ансор режим расмийлари билан боғланиш учун Facebook да сохта аккаунт очди.
2021 йил март ойида у видеодаги қуролланганлардан бири бўлган Амжад Юсуф исмли одам билан боғланди.
Икки тадқиқотчи видеолар, қайдлар ва минглаб соатлик интервьюлардан иборат далилларни Голландия, Германия ва Франция прокурорларига топширди. Манба Суриядан ташқарида хавфсиз сақланмоқда.
