Ҳужжатга демократ Ричард Блументал ва республикачи Линдси Грем томонидан ҳаммуаллифлик қилган, унинг матни Гремнинг веб-сайтида эълон қилинган. Қарорда айтилишича, Сенат Путин Россиясининг ҳаракатларини террорчилик ҳаракати деб ҳисоблайди ва АҚШ Давлат котибини Россияни терроризмга ҳомийлик қилувчи давлат сифатида тан олишга чақиради.
Резолюцияда Россиянинг Иккинчи чечен уруши давридаги, Суриядаги урушидаги жиноятлари, ушбу давлатлар, Грузия ва Украинадаги тинч аҳоли нишонларига ҳужумлари, кўплаб тинч аҳолининг ҳаётига зомин бўлганлиги, шунингдек, «бутун дунё бўйлаб террор тарқатадиган» ва Кремл ўз сиёсий мақсадларига эришиш учун фойдаланадиган ЧВК Вагнернинг роли қайд этилган. Ҳужжатда айтилишича, дастлабки маълумотларга кўра, 2022 йил февралида "Вагнер" гуруҳининг 400 дан ортиқ ёлланма аскарлари президент Зеленский ва Украина ҳукумати аъзоларини ўлдириш буйруғи билан Киевга жўнатилган.
Резолюцияда, шунингдек, Россия ҳарбийлари Украинада тинч аҳолини қирғин қилгани ва оммавий қабрлар ёрдамида ўз жиноятларининг изларини яширишга ҳаракат қилгани таъкидланган.
Грем Россия диктатори Владимир Путин 20 йил давомида бошқа давлатларнинг суверенитетини бузганини ва Украинада тўхташни режалаштирмаганини таъкидлади. Сенатнинг ижобий қарори Путин энди Россиянинг қонуний раҳбари сифатида кўрилмаслигига кучли сигнал беради, деди у.
"Халқ хизматкори" фракцияси раҳбари ва Россия билан музокаралардаги Украина делегацияси аъзоси Давид Арахамия ўзининг Телеграмдаги каналида резолюциянинг қабул қилиниши "Россияни сцивилизациялашган дунёдан тўлиқ дисквалификация қилиш"ни англатишини ёзди.
"Бундай мамлакатда ҳеч қачон Олимпиада ўтказилмайди, у ерда жаҳон юлдузлари чиқиш қилмайди, у ерга ҳеч қачон инвестор келмайди. Бу Россия ҳатто Совуқ уруш даврида ҳам кўрмаган изоляциядир", - дея изоҳ берди у.
Аввалроқ АҚШ Давлат котиби Энтони Блинкен Вашингтон Россияни терроризм ҳомийси сифатида тан олиш имкониятини муҳокама қилаётганини айтганди. Ҳозирда терроризмга ҳомийлик қилувчи давлатлар рўйхатига Шимолий Корея, Сурия, Куба ва Эрон киради.
