Владимир Соловьёв хорижийдаги кўчмас мулкини сотиб олиш учун йиллар давомида русларни аҳмоқ қилиш эвазига миллионлаб рубл ишлаган, лекин охир-оқибат шундай бўлиб чиқдики, у Италияда виллаларига бора олмайди.
13 май куни интернетда Россия Федерациясининг бош тарғиботчиси Владимир Соловьёвнинг Италияда яшаш рухсатномаси бекор қилингани ва мамлакатга кириши абадий тақиқлангани ҳақида маълумот пайдо бўлди. Ҳозирча россиялик телебошловчи бу маълумотга изоҳ бермади.
Айни дамда Соловьёв ихтиёрида Италиянинг Комо кўли яқинидаги қимматбаҳо "Мария" вилласининг бир қисми борлиги маълум. Тарғиботчи жуда катта икки қаватли уйдан ҳам фойдаланади. Мулк 2021 йилда бир неча млн еврога сотиб олинган ва Соловьёвнинг онаси номига рўйхатдан ўтган. Оммавий ахборот воситалари аёлда бундай маблағ йўқлигини ёзмоқда.
Россия Коррупцияга қарши курашиш жамғармаси Италия ҳукуматига Соловьёвлар оиласининг барча аъзоларидан Италия визалари ва яшаш рухсатномаларини бекор қилишни сўради, чунки улар мамлакатда фақат Россия Федерациясидан ўтказган тарғиботчининг маблағлари ҳисобидан яшайдилар.
