ХХ асрнинг иккинчи ярмида сабоқ олмаган Россия хатолар устида иш олиб бораётганга ўхшайди. Европа Иттифоқи дипломатлари нефт эмбаргоси бўйича келишувга эришгунга қадар Россияни рекорд даражадаги хомашё даромадларидан маҳрум қилиш ниятида АҚШ ҳукумати СССР қулаши "дежавю"сини тайёрламоқда.

Оқ уй Саудия Арабистони билан махфий музокараларни бошлади. Қўшма Штатлар ал-Сауд Қироллик оиласини нефть қазиб олишни кўпайтириш зарурлигига ишонтирмоқда, деб ёзади Axios.

Нашр манбаларининг маълум қилишича, Байденнинг икки катта маслаҳатчиси музокаралар учун Ар-Риёдга учиб кетган. Оқ уй уларга Қўшма Штатларда бензин нархининг кўтарилишини пасайтириш ва Ғарбга Россияга қарши қаттиқ санкциялар қўллашда ёрдам бериш учун Саудияликлардан иложи борича кўпроқ баррел нефт олишни буюрди.

Саудия Арабистонининг розилиги эвазига улар Миср ва Исроил билан муносабатларни нормаллаштиришни ўз ичига олган кенг битимни таклиф қилишади. Қизил денгиздаги иккита орол - Тиран ва Санафир бонус бўлиши мумкин.

Ҳозирги вақтда Риёд кунига 10,3 млн баррел нефт қазиб оляпти, аммо Saudi Aramcо давлат компанияси ишлаб чиқаришни кунига 12 млн баррелга осонликча кўтаришга олиб келиши мумкин, назарий жиҳатдан бу ҳажмлар Россия жаҳон бозорида сотадиган нефтнинг ярмини алмаштириши мумкин (кунига тахминан 5 млн баррел). Шартнома амалга ошса, Вашингтон нархлар бир баррели 100 доллар даражада мустаҳкамланишга ва АҚШ ҳукумати стратегик захирасини офф сотишга мажбур бўлган сабаб туфайли камомадни бартараф этиши мумкин бўлади.

Вашингтон-Риёд битими Кремл учун 1985 йилги вазиятни такрорлаши мумкин. 37 йил олдин Саудия Арабистони ишлаб чиқаришни кескин оширди ва нефт нархини бир баррел учун 30 дан 10 долларгача туширди.

Бюджетга валюта инъекцияларисиз қолган СССР иқтисодиёти оғир инқирозга учради ва олти йил ичида банкрот бўлди.