MIT яна олти нафар гумондорнинг, жумладан, 2021 йил октябрь ойида Туркияда яшовчи чечен диссидентларига суиқасд уюштиришни режалаштирганликда айбланган тўрт нафар россиялик фуқаронинг фош этилиши ортида ҳам бўлган.
2021 йилнинг март ойида Туркия разведка хизмати икки турк фуқароси иштирокидаги яна бир тармоқни фош қилди. Бу гуруҳни 2014 йилда ҳам суиқасд уюштириш учун Туркияга борган Россия фуқароси К.Д. бошқарган. 2015 йилда сохта ҳужжатлардан фойдаланган эркак жосусликда айбланиб, депортация қилинган эди. Туркияга тез-тез ташриф буюрадиган К.Д. 2011 йилдан буён мамлакатга 74 марта ташриф буюрган ва бу сафар яна икки нафар Россия фуқароси билан қайтган. Бу учлик ўз мамлакатларида фирибгарликда айбланган яна уч нафар Россия фуқаросини таъқиб қилган ва уларнинг икки нафари Туркияда эканини аниқлаган.
Уларнинг нишонлари Россия Мудофаа вазирлигининг икки собиқ амалдори Д.С. ва А.K. бўлган, улар 4 миллиард рубл (тахминан 65,3 млн доллар) миқдоридаги фирибгарлик йўли билан Хитойга ноқонуний ёғоч сотишда айбланган. Ячейка фақат А номи билан танилган рус разведкачиси билан алоқада бўлган.
Уч нафар гумон остидаги шахс Россия ва қўшни давлатлардан ишбилармонлар ва сайёҳлар учун машҳур бўлган Истанбулнинг Фотиҳ туманидаги меҳмонхонада қўлга олинди. Гумон остидаги олтита шахснинг барчаси сиёсий ёки ҳарбий жосуслик мақсадида ҳукуматнинг махфий маълумотларини қўлга киритишда айбланиб, ҳозирда қамоқда. Камерадаги бошқа гумонланувчилар орасида Туркия давлат хизматчиси, "Ёлғиз бўри" лақабли С.Ч. ҳам бор. Яна икки турк руслар учун "маҳаллий разведка" тақдим этганликда берганликда айбланмоқда.
Сўнгги йилларда MIT хорижий разведка ходимларига қарши амалиётларини кучайтирди. Ўтган йили иккита алоҳида операция давомида Моссаднинг 15 нафар ходими ва Эрон разведкаси учун ишлаган 9 нафар гумонланувчидан иборат тармоқ фош этилди.
Февралда Туркияда чечен диссидентларига суиқасд уюштиришда айбланган Россия фуқароларига қарши айблов эълон қилинди, улар 33 йилгача қамоқ жазосига ҳукм қилиниши мумкин. Гумонланувчилар Туркияда яшовчи "Абдулҳаким" исмли чечен диссидентини ўлдиришга уринганликда айбланмоқда. Улар Россия Давлат думаси депутати, Чеченистон раҳбари Рамзан Қодировнинг амакиваччаси Адам Делимхонов ва Казбек Дукузовнинг буйруғи билан ҳаракат қилгани айтилади.
Одатда ўз иши ҳақида сукут сақлайдиган MIT вақти-вақти билан ҳар йили ўз фаолияти ҳақида кенг ҳисоботларни нашр этади. 2020 йилги ҳисоботлардан бири хорижий разведка фаолияти фаоллашганини таъкидлади. MIT раҳбари Ҳакан Фидан ҳисоботга илова қилинган баёнотида, ташкилот "тўқнашув зоналарида мамлакатимиз манфаатларига мувофиқ фаол вазифаларни бажарган, ташқи разведка фаолиятини кучайтирган ва терроризмга қарши курашни халқаро даражага олиб чиққан" деди.
"MIT сифатида биз ўйинни ўзгартирувчи стратегияларни яратишга, янги тадқиқот усулларини ишлаб чиқишга, ўз услубларимизни ўзгарувчан дунё билан уйғунлаштиришга ва ўзгаришларга энг тез ва мослашувчан тарзда мослашишга интиламиз", деди Фидан.
Эслатиб ўтамиз, Туркия узоқ вақтдан бери бошқа мамлакатлар разведка хизматлари томонидан таъқибга учраган сиёсий диссидентлар учун бошпана бўлиб келган. MIT Туркияда хорижий разведка идоралари томонидан диссидентлар, журналистлар ва тинч аҳолига қаратилган кўплаб ҳужум ва уринишларнинг олдини олишга муваффақ бўлди. Бироқ, "Ислом овози"нинг узоқ йиллик ўқувчиларига маълум бўлиши мумкинки, турк разведкаси ходимлари томонидан барча суиқасд уринишларининг олди олинмаган.
