Украинадаги ҳарбий авантюра Кремлга қимматга тушди - Европа газ бозори қўлдан кетди. Олти ой олдин Россиянинг энергия ресурсларига энг қарам бўлган Европа Иттифоқи давлатларидан бири бўлган Германия ҳам бу йил Россия газидан тўлиқ воз кечади.

Бундай режалар ҳақида 4 сентябрь куни Германия канслери Олаф Шольц ZDF телеканали эфирида маълум қилди.

Канцлер «Газпром» ни ишончсиз етказиб берувчи деб атади ва компания Кремл сиёсати фойдасига шартнома мажбуриятларини мунтазам равишда бузаётганини эслатиб ўтди. У Россия Федерациясидан зангори ёқилғи сотиб олишдан 3 ой ичида - 2022 йил декабр ойида тўлиқ воз кечишини эълон қилди.

Шольц Германия аҳолисини мамлакатдаги энергетик вазиятни барқарорлаштириш учун барча зарур чоралар кўрилганига ишонтирди. Москва томонидан газ етказишнинг тўхтатилиши энди кучли инқирозга олиб келмайди. Заҳирахоналар аллақачон 85% дан кўпроқ тўлган.

Бундан ташқари, Германия аҳолисига 65 миллиард евро миқдорида ёрдам кўрсатишнинг 3-пакети келишиб олинди, бу мамлакат фуқароларига энергия нархининг ошгани учун компенсация тўлашга мўлжалланган. "Биз бу қишдан омон чиқамиз", деб ишонтирди Германия ҳукумати раҳбари.

Эслатиб ўтамиз, Москва ёзда Европа Иттифоқининг газ шантажини кучайтириб, Европа бозорига етказиб беришни кескин қисқартирган эди. Шундай қилиб, Россия ҳукумати Европани Украинани қўллаб-қувватлашдан воз кечишга мажбур қилишга уринди.

Бироқ Кремлнинг режаси иш бермади. Европаликлар шартларга рози бўлиш ўрнига муқобил манбаларга ўтиб, тезда рус газидан воз кечишни бошладилар.