Россия Соғлиқни сақлаш вазирлигининг штатдан ташқари бош мутахассиси Олег Аполихин тақдимотида, шунингдек, Шимолий Кавказ республикалари мамлакатда туғилиш кўрсаткичи энг юқори эканлиги қайд этилди.

"Ҳозир бизда Россиянинг асосий ҳудудида туғилишнинг умумий даражаси 1,5 ни ташкил қилади. Фақат Шимолий Кавказ республикаларида бу коэффициент 2,9-3,3 ни ташкил этади, у ерда ўсишда давом этмоқда ", деди Аполихин.

Масалан, 2,9 туғилиш коеффициенти билан Чеченистон Россия Федерациясида биринчи ўринда, Ингушетия иккинчи ўринда (2,3) ва Доғистон учинчи ўринда (2).

Росстат, шунингдек, аввалроқ 2021 йил учун чақалоқлар ўлими бўйича минтақалар бўйича маълумотларни эълон қилганди. Бу кўрсаткич бўйича учинчи ўринни Доғистон эгаллади, у ерда туғилган ҳар 1000 боладан 7,9 нафари бир ёшга тўлмасдан вафот этган.

Эслатиб ўтамиз, ўтган йилнинг ёзида Россия Бош вазири Михаил Мишустин 2010 йилдан бери амалга оширилаётган Шимолий Кавказни ижтимоий-иқтисодий ривожлантириш дастурининг самарадорлиги пастлигини, шу жумладан, минтақада чақалоқлар ўлимининг юқорилиги сабабли ҳам эътироф этган эди.