Германия ҳукумати Полша Ташқи ишлар вазирлиги томонидан Иккинчи жаҳон уруши даврида фашистлар истилоси натижасида мамлакатга етказилган зарарни қоплаш тўғрисида юборилган нота олганини маълум қилди, деб хабар беради KNA агентлиги чоршанба, 5 октябрь куни. Германия ҳукумати вакилининг сўзларига кўра, нота ўрганилади, шундан сўнг жавоб тайёрланади.
3 октябрь куни имзоланган ҳужжат мазмуни ҳақида аввалроқ Полша ташқи ишлар вазири Збигнев Рау маълум қилган эди. Унинг сўзларига кўра, нотада Варшаванинг томонлар товон тўлаш масаласини барқарор ҳал этиш учун чоралар кўриши кераклигига ишонч билдирилган. Полша томонлар оккупация муносабати билан моддий ва номоддий зарар учун товон тўлаш масаласини ҳал қилишини таъкидламоқда.
"Бундай келишув Полша-Германия муносабатларини адолат ва ҳақиқатга асосланишига имкон беради, ўтмишдаги оғриқли саҳифаларнинг ёпилишига олиб келади ва икки томонлама муносабатларнинг яхши қўшничилик руҳида янада ривожланишини таъминлайди", — деди Полша ТИВ раҳбари.
Германия ташқи ишлар вазири Полшанинг репарациялар ҳақидаги талабини рад этди
Германия ташқи ишлар вазири Анналена Баербок (Annalena Baerbock) Варшаванинг репарациялар ҳақидаги талабини рад этди. 4 октябрь, сешанба куни Полша ташқи ишлар вазирлиги раҳбари билан учрашувдан сўнг у Германия ҳукумати нуқтаи назаридан Полшага товон тўлаш масаласи ёпилганини айтди. Шу билан бирга, унинг таъкидлашича, Германия польшаликларга келтирган азоб-уқубатларни эслаб қолиш "абадий вазифа"дир. "Германия, шубҳасиз, тарихий масъулиятини ўз зиммасига олади", деди Бурбок.
Полша компенсация миқдорини 1,3 триллион еврога баҳоламоқда
Збигнев Рау Германияга юборилган нота ҳақидаги баёнотида товон пулининг аниқ миқдорини айтмаган. Шу билан бирга, сентябрь ойи бошида Полшанинг ҳукмрон "Қонун ва адолат" (PiS) партияси раҳбари Ярослав Качиньский товон миқдорини 1,3 триллион еврога баҳолаганди. Унинг сўзларига кўра, бу миқдор консерватив тарзда ҳисобланган ва бундан ҳам кўпроқ бўлиши мумкин.
Германия ташқи ишлар вазирлиги вакили бунга жавобан Германия Полша томонининг Иккинчи жаҳон уруши натижасида етказилган зарарни қоплаш талабига ҳеч қандай асос кўрмаётганини айтди. У Берлин қайта-қайта мурожаат қилган аргументни такрорлади: Полша 1953 йилдаёқ кейинги репарациялардан вод кечган ва буни бир неча бор тасдиқлаган.
