Эроннинг IRNA давлат ахборот агентлигининг хабар беришича, ёнғин қамоқхонага ўт қўйган маҳкумларнинг ғалаёнлари натижасида юзага келган. Шу билан бирга, тартибсизлик уюштирганлар сиёсий маҳбуслар эмас, балки майда жиноятлар учун судланганлар бўлгани қайд этилади. Яна бир давлат агентлиги Tasnim ҳам эронлик номаълум расмийга таяниб, тартибсизликларда сиёсий маҳбуслар иштирок этмаганини ёзади.

Саккиз киши жабрланди

IRNA хабарига кўра, ёнғин оқибатида камида саккиз киши жабрланган, бироқ ҳалок бўлганлар йўқ. "Ёнғин ўчирилган, хизматлар атроф-муҳит хавфсизлигини таъминлаш устида ишламоқда", — дея фавқулодда вазиятлар хизмати вакилининг сўзларидан иқтибос келтирган агентлик.

Гувоҳларнинг Reuters ахборот агентлигига айтишича, қамоқхонага олиб борувчи йўллар ёпилган ва воқеа жойига тез ёрдам машиналари етиб келган. Қамоқхонага кираверишда, уларнинг сўзларига кўра, маҳбусларнинг яқинлари йиғилган.

Эронда норозилик намойишлари ойи

Эронда қарийб бир ойдан бери 22 ёшли курд қизи Маҳса Аминийнинг ўлими юзасидан норозилик намойишлари давом этмоқда. У 13 октябрь куни Теҳронда одоб-ахлоқ полицияси томонидан ҳижобни нотўғри кийгани учун ҳибсга олинган ва бир неча кундан кейин вафот этган.

Полиция маълумотларига кўра, полиция участкасида қизнинг мазаси қочиб қолган, у ердан касалхонага олиб кетилган ва тез орада вафот этган. Яқинларининг сўзларига кўра, ўлимга ҳибсга олиш вақтидаги калтаклар сабаб бўлган. Эронда юз минглаб одамларни кўчага олиб чиққан оммавий акцияларнинг бошланишига Маҳса Аминийнинг ўлими сабаб бўлди.