Польшада 27 октябрь, пайшанба куни совет аскарларига бағишланган яна тўртта ёдгорлик демонтаж қилинди. Гап Глубчица ва Бичина шаҳарларидаги "Қизил Армияга миннатдорчилик" ёдгорликлари, Боболицедаги ёдгорлик, шунингдек, Сташува туманидаги ёдгорлик ҳақида бормоқда, деди Миллий хотира институти (ИНП)

Демонтаж қилинган ёдгорликлар эркинлик рамзи емас, деди ИНП президенти Карол Навроcки. У ёдгорликларни "1945 йилдан кейин Европанинг ярмини ўзига бўйсундирган тизим", "Польша ишчилари ва антикоммунистик мухолифат фаолларини ўлдирган тизим" рамзи, шунингдек, " Украинадаги уруш учун жавобгар Россия Федерациясининг ҳозирги раҳбарларни руҳлантирган тизим" рамзи деб атади.

Совет ёдгорликларини бузиш тўғрисидаги Польша қонуни

2017 йил октябрь ойида Польшада мамлакатни декоммунизация қилиш дастури доирасида совет ёдгорликларини бузиш тўғрисидаги қонун кучга кирди. ИНП ҳисоб-китобларига кўра, коммунизм даврида Польша ҳудудида 500 га яқин "Қизил Армияга миннатдорчилик" ёдгорликлари ўрнатилган. Ўшандан бери уларнинг кўплари ҳалок бўлган аскарлар дафн қилинган жойларда ўрнатилмаган, демонтаж қилинган. Шу билан бирга, ДПА агентлигининг қайд этишича, аскарлар қабристонлари Польша давлати ҳимоясида.

2022 йил март ойида ИНП раҳбари Навроцкий барча мамлакатлар, хусусан, собиқ коммунистик блокдаги давлатлар ҳокимиятларига одамлар, ташкилотлар, воқеалар ва уларнинг тарихидаги коммунистик давр саналари билан боғлиқ номлар ва белгиларни жамоат майдонидан олиб ташлашни таклиф қилди. Украинада уруш бошланганидан сўнг, Болтиқбўйи мамлакатларида СССР давридаги ёдгорликлар оммавий равишда бузиб ташлана бошлади. Бундан ташқари, Финляндия пойтахтида СССР томонидан ҳадя қилинган "Жаҳон тинчлиги" монументи демонтаж қилинди.