Кеча, 31  октябрь куни Туркия президенти ўтган дам олиш кунлари Севастополдаги кўрфазлардан бирига Украина дронларининг ҳужумидан сўнг Россия Федерациясининг "дон келишуви"дан чиқишига оммавий муносабат билдиришга қарор қилди.

Эрдўған Бутунжаҳон турк тиббиёт конгрессида сўзлаган нутқида Россиянинг "дон келишуви" муваффақиятсизликка учраганига илк бор муносабат билдирди, деб хабар бермоқда Анадолу агентлиги.

Анқара ҳам худди Москва каби "дон келишуви"га ўз имзосини қўйган. Эрдўған Россия бу масалада қатъияцтсиз ҳаракат қилаётганини, Туркия эса инсониятга хизмат қилишда давом этишини тан олди.

Унинг сўзларига кўра, жаҳон буғдойининг 30 фоиздан ортиғи икки давлат – Украина ва Россия ҳиссасига тўғри келади. "Ғалла битими" Қора денгиз орқали бошқа мамлакатларга ғалла етказиб беришнинг самарали механизмини ишлаб чиқиш имконини берди. Битим Украинадан ташқарига 9,3 млн тонна ғалла етказиб бериш имконини берди, бу еса дунёнинг кўплаб мамлакатлари очликдан ўлмасликларини англатади. 22 июлда БМТ, Украина, Туркия ва Россия Федерацияси вакиллари Истанбулда "дон келишуви"ни имзолаган эди. Бу Украинанинг учта портидан ғалла ташиш имконини берди.

29  октябрь, шанба куни Севастополь кўрфазларидан бирига учувчисиз учиш аппаратлари ҳужумидан сўнг Россия Федерацияси "дон битими"дан чиқишга қарор қилди. Москванинг ҳаракатлари туфайли 218 та кема тўсиб қўйилган, бугун, 31  октябрь куни эса бирданига 14 та кема Украина портларидан Истанбул йўналишида чиқиб кетди.