Бу ҳақида АҚШ Миллий хавфсизлик кенгаши матбуот котиби Адриен Уотсоннинг 16 ноябрь куни Оқ уй сайтида чоп этилган баёнотида айтилади.

"Биз Польша ҳукуматининг Украина билан чегараси яқинидаги портлаш юзасидан олиб борилаётган терговига тўлиқ ишонамиз ва унинг профессионаллиги ва пухта ўйланганлигини юқори баҳолаймиз. Биз уларнинг ишидан олдинга чиқмаймиз ва польшалик ҳамкасбларимиз билан яқин алоқада бўлиб қоламиз, чунки биз ҳали ҳам маълумот тўплаймиз. Биз президент [Польша] Анжей Дуданинг ушбу портлаш, афсуски, Польша ҳудудига келиб тушган Украина ҳаво ҳужумидан мудофаа ракетаси натижаси бўлган деган дастлабки баҳосига зид бўлган ҳеч нарсани кўрмадик", — дейилади баёнотда.

Уотсоннинг қўшимча қилишича, Қўшма Штатлар "ҳар қандай янги маълумот мавжуд бўлганда ошкора бўлишиш"ни баҳолашда давом этади.

"Шунингдек, расмга қўшилиши мумкин бўлган ҳар қандай маълумот бўйича украиналиклар билан яқин алоқада бўлишни давом эттирамиз. Бироқ, якуний хулосалар қандай бўлишидан қатъи назар, Украинадаги фуқаролик инфратузилмасига зарба бериш учун махсус мўлжалланган ракеталар тўпламини ишга туширган ушбу фожиали воқеа учун охир-оқибатда Россия жавобгар эканлиги аён бўлади", деди у.

Украина "ўзини ҳимоя қилишга тўлиқ ҳуқуқмга эга бўлиб келган ва ҳозир ҳам эга", дея қўшимча қилди Уотсон.

"Биз яна бир бор Украина халқи билан бирдамлигимизни изҳор қиламиз ва бу ваҳший ҳаво ҳужумлари натижасида кўрган талофатлари учун ҳамдардлик билдирамиз. Оқибатда миллионлаб украиналиклар электр энергияси, сув ва зарурий нарсаларсиз қолганини биламиз. Бизнинг фикримиз ва дуоларимиз яна бир бор фожиали тарзда ҳалок бўлган икки Польша фуқаросининг оила аъзоларига йўл олади", — дея хулоса қилди у.