Эронда 22 ёшли курд миллатига мансуб эронлик аёл Масха Амини исломий кийишин қоидаларига риоя қилмагани учун полиция томонидан ҳибсга олинган ва кейинчалик вафот этгани сабабли норозилик намойишлари тўлқини учинчи ойдирки тинмайди.
Бугунги кунга келиб, Ислом Республикасининг бир қатор ҳудудлари ёнғин билан қопланган, тартибсизликлар кўча жангларига айланиб бормоқда, бу эса, ўз навбатида, фуқаролар урушига ўхшайди. Хусусан, якшанба куни, 2020 йил январида АҚШ Қуролли Кучлари томонидан амалга оширилган махсус операция натижасида йўқ қилинган, ИИҚК таркибига кирувчи ал-Қудс элита махсус кучларининг собиқ қўмондони, генерал Қосим Сулаймоний ҳайкали ўт қўйилгани видеоси Интернетда пайдо бўлди.
"Видеода Ислом инқилоби қўриқчилари корпуси қўмондони генерал Қосим Сулаймонийнинг ёнаётган ҳайкали кўринади. Баъзи ҳудудларда норозилик фуқаролар уруши белгиларига эга бўлган жанговар ҳаракатларга ўхшаб кетди ва расмийлар бир неча шаҳарлар устидан назоратни йўқотди", - деб ёзади Украина ҳарбий мухбири Андрей Цаплиенко ўзининг Telegram-каналида.
Шу билан бирга, журналист Эрон норозилиги муҳим муаммога эга эканлигига эътибор қаратади: у намойишчиларнинг умумий манфаатларини ифодаловчи ягона сиёсий кучдан маҳрум.
"Шунинг учун, бу ҳукумат яна, аввалги қонли намойишларда бўлгани каби, кўчани босқичма-босқич эгаллаб олиши мумкинлигини англатади", — дея қўшимча қилди ҳарбий мухбир.
