– Бу, эҳтимол, менинг сўнгги Жаҳон чемпионатим. Менинг ва бизнинг умумий орзуимизни амалга ошириш учун охирги имконият.

– Аргентина учун Жаҳон чемпионатининг аввалги – унчалик муваффақиятли бўлмаган очилиш ўйинларидан қандай сабоқ олдингиз?

– Биз одатда қиладиган нарсани қилишимиз керак. Биз ўзимизни яхши ҳис қиляпмиз, бизни қийин ўйин кутмоқда, чунки бу жаҳон чемпионатининг очилиши. Биз бу асаб ва ташвиш билан курашишимиз керак. Фақат ўйин бошидан охиригача футбол ўйнашга ҳаракат қилиш керак.

– Бутун дунё жаҳон чемпионатида ғалаба қозонишингизни хоҳлайди.

– Ҳа. Жуда кўп мухлислар бизни қўллаб-қувватлаётгани ва ғалаба қозонишимизни исташлари ажойиб. Фаолиятим давомида эшитганларим учун жуда миннатдорман. Бу сўзлар мени янада хурсанд қилади.

– Бутун араб дунёси Мессини яхши кўради. Аммо бутун араб дунёси Саудия Арабистони томон бўлади.

– Мен бахтлиман ва бутун дунёда яхши кўришларини ҳис қиламан. Аммо ҳар бир терма жамоа - ўз ватани учун энг яхшисидир. Биз ғалаба қозониб, уч очко олишга ҳаракат қиламиз.