Аргентина терма жамоаси ҳужумчиси Австралия билан нимчорак финалида ҳисобни очди.

Гуруҳ босқичида Месси бунгача иккита гол урганди – Саудия Арабистонига пенальтидан (1:2) ва Мексикага (2:0).

Аргентина терма жамоаси етакчиси Лионель Месси миллий жамоа учун йирик турнирларда 22-голни урди.

Айни пайтда «ПМЖ» ўйинчиси саналган 35 ёшли футболчи Австралия жамоасига тўп киритди.

Мессининг жаҳон чемпионатларида урган голлари сони 9 тага етди, Америка кубогида эса у 13 та гол урган.

Лионель йирик халқаро мусобақалардаги голлар сони бўйича Португалия терма жамоаси ҳужумчиси Криштиану Роналдуга етиб олди, олдин орқада ўйнаб юрган эди. 37 ёшли футболчининг ҳисобида 14 та евро ва 8 та жаҳон чемпионатидаги голлари бор.

Мирсолав Клозенинг жаҳон чемпионатида гол уриш бўйича рекордини такрорлаш учун Месси яна 7 та гол уриши керак.

Эслатиб ўтамиз, Криштиану Роналдунинг голлари ҳозирча Мессидан кам. Қолаверса, Лео жаҳон чемпионатида голлар сони бўйича Диего Марадонадан ўзиб кетди.

Австралия дарвозасига урилган гол Месси учун жаҳон чемпионатидаги 22 ўйиндаги тўққизинчи гол бўлди. Лео олтита голли узатмага ҳам эга.

Дарвоқе, бугунги ўйин Месси учун 1000-расмий ўйин бўлди, унинг урган барча голлари эса 789 тага етди