"Sözçü" газетасининг ёзишича, Атеш ва унинг дўсти Селман Бозкурт Чанкая вилоятидаги уйларидан чиқиб кетаётганда икки мотоциклчи томонидан отиб ўлдирилган, деб ёзади "РИА Новости".
"Синан Атеш бошидан, Селман Бозкурт эса елкасидан ўқ еди. Воқеа жойига етиб келган 112 тез ёрдам гуруҳи томонидан юрагига массаж қилинган ва кейин хусусий шифохонага олиб борилган Синан Атеш вафот этди. Мотоциклда қочиб кетган босқинчини ушлаш учун операция бошланди", - деб ёзади газета.
Қайд этилишича, хабарнома олинганидан кейин воқеа жойига кўплаб полиция гуруҳлари юборилган.
Туркия матбуотига кўра, жиноятга алоқадорликда гумон қилинган уч киши қўлга олинган.
«Бўз бўрилар» турк миллатчи ёшлар ташкилотидир. 1960-йилларнинг охирида полковник Алпарслан Туркеш ташаббуси билан Миллий Ҳаракат Партияси (МҲП) ҳомийлигида яратилган бўлиб, баъзида у билан бир деб қаралади. Бошқа версияларга кўра, у 1948 йилдан бери мавжуд. МҲПнинг энг радикал қаноти бўлиб, пантуркизм мафкурасига амал қилади.
