Россия ташқи ишлар вазири Сергей Лавров апрел ойида Нью-Йоркда БМТ Хавфсизлик Кенгаши йиғилишига раислик қилиши керак, бироқ АҚШ Россия делегациясига вазирнинг махсус самолёти ва делегация аъзоларига ҳозирча виза рухсат бермаган.
Бу ҳақда CNN нашри хабар берди. Россиянинг АҚШдаги элчиси Анатолий Антонов Вашингтонни Лавровнинг махсус самолётидан фойдаланишга рухсат бериш ва Россиянинг БМТдаги делегацияси аъзоларига виза беришга чақирди.
“Биз Вашингтонни делегациямиз, жумладан, журналистларимизга визалар беришни кечиктирмасликка чақирамиз”, деди дипломат.
Шунингдек, у АҚШ “Лавров самолётининг келишига розилик бермаганини” айтди.
Антоновнинг таъкидлашича, бу воқеага ҳали саноқли кунлар қолган бўлса-да, ҳали аниқлик йўқ.
