Мавлидни ккки кун нишонлаш мумкин: энди Будда Шакямунининг туғилган куни Россия Қалмоғистон Республикасининг расмий байрами сифатида белгиланган.

Қалмоғистон раҳбари Бату Хасиков 2023-йил 4-июнни миллий байрам – “Шакямуни Будданинг туғилган куни” деб эълон қилиш тўғрисидаги фармонни имзолади, деб хабар беради “РИА Қалмоғистон”.

Тегишли ҳужжат республика раҳбари сайтида эълон қилинди. Ижтимоий тармоқларда 12-май ушбу байрам муносабати билан дам олиш куни деб эълон қилиниши ҳақидаги ишончсиз маълумотлар Марказий хурул томонидан рад этилди.

“Бу йил Шакямуни Будданинг туғилган куни 4 июнга тўғри келади, у ҳар доим [муқаддас ой] Урс сарида, тўлин ойда, яъни 15-ой куни нишонланади. Барча буддачилар бу байрамни осонгина ҳисоблашлари мумкин. Урс сар бизнинг Тсаган сар байрамимиздан (Янги йил) кейин 4 ой давомида содир бўлади. Айнан Урс сарида, тўлин ойда биз Будда Шакямунининг туғилган кунини нишонлаймиз”, — деди Марказий Ҳурул “Будда Шакямунининг олтин маскани” маъмури Ёнтен-гелунг (Сергей Киришов).

Қалмоқларнинг янги миллий байрами бу йил якшанба кунига тўғри келганлиги сабабли, дам олиш куни 5-июн, душанба кунига кўчирилди. Байрамона кайфият икки кун давом этиши мумкин.