Хабар тўлиқ тақдим этилади:

“Меҳрибон ва раҳмли Аллоҳнинг номи билан бошлаймиз.

  Азиз ватандошлар, азиз мусулмон биродарлар!

Қирғизистон мусулмонлари уламолари кенгаши ва Қирғизистон мусулмонлари диний идораси исроилликларнинг Фаластиннинг тинч аҳолисига қарши қирғин қилинишини инсониятга қарши жиноят сифатида қоралайди. Аллоҳ таоло мусулмон оламини ўз паноҳида асрасин ва қўллаб қувватласин. Бу қайғу нафақат фаластинликлар, балки бутун дунё мусулмонлари учундир. Дунё аҳли давом этаётган урушнинг шафқатсизлигини қоралаб, уни тезроқ тўхтатишни талаб қилмоқда. Қирғизистон давлатининг географик узоқлигидан келиб чиқиб, маънавий ва моддий ёрдамимизни кўрсатишни мақсадга мувофиқ деб билдик. Шунинг учун сизларни Фаластин халқи учун одамлар тўпланадиган жойларда, масжид ва мадрасаларда, жума намозига жамоатлар келганда ва ҳатто ҳар бир мусулмоннинг шахсий ибодатларида дуо қилишга таклиф қиламиз. Энг муҳими, моддий ёрдам кўрсатиш ҳозирги ҳолатга нисбатан шариатимиз томонидан қўйилган талабдир.

Ҳурматли қирғиз фуқаролари, ижтимоий тармоқларда Фаластин аҳолисига қарши эълон қилинган ҳалокатли уруш юзасидан турли чақириқлар тарқатилмоқда. Олимларимиз юқорида қайд этилган муаммоларни ўрганиб чиқдилар. Натижада мусулмон биродарларимизга ёрдамимиз маънавий ва моддий бўлиши кераклиги тўғрисида келишувга эришдик. Шу боис Фаластинга якка тартибда ёки баъзи уюшган гуруҳлар билан биргаликда ҳиссий туйғулар билан жиҳод ниятида бориш шариат қоидаларига тўғри келмайди, деб ҳисоблаймиз.

Қирғизистон мусулмонлари уламолари кенгаши”