Мамлакат парламенти ўтган ҳафта намойишлар таъсири остида истеъфо берган Абдулазиз Бутефлика ўрнига кейин 90 кунга давлат раҳбари мажбуриятларини вақтинчалик бажарувчи сифатида юқори палата спикери Абдулқодир Бенсалахни расман тасдиқлаганидан сўнг Жазоир марказида сешанба куни намойишлар бўлиб ўтди.

Бенсалахнинг тайинланиши Жазоир конституциясига мос келади, бироқ 20 йил давомида ушбу лавозимда ўтирган Бутефликани ҳайдаб юборган намойишчилар бу қадамдан норози, чунки спикер собиқ президентнинг асосий иттифоқчиси ва тажрибали режим инсайдери ҳисобланади.

Сешанба куни телевидение орқали сўзга чиқар экан, 76 яшар сиёсатчи 90 кунлик ваколатлар даврида эркин сайлов ўтказишга ваъда берди ва янги Жазоир қурилишига хизмат қиладиган президент пайдо бўлишига олиб келишига умид қилишини айтди.

Сайловда иштирок эта олмайдиган Бенсалах сешанба куни парламент мажлисида иштирок этишдан бош тортган мухолифат партиялари томонидан қўллаб-қувватланмайди.

Бенсалах «ҳалол ва шаффоф» сўровлар учун зарур шароитлар яратиш мақсадида фуқаролик жамияти ва сиёсий синф ёрдамида зудлик билан «суверен» орган ташкил қилиш режалари ҳақида маълум қилди.

Сўровлар шуни кўрсатадики, хавфсизлик кучлари шовқин солаётган намойишчиларга яқинлашиб, уларни тарқатиб юбориш учун кўз ёши оқизадиган газ сепмоқда, сув тўпидан ўққа тутмоқда ва резина таёқлардан фойдаланмоқда.

Бенсалах – Бутефлика томонидан асосий лавозимлардан бирига тайинланган, уларни «учта Б» деб атайдиган намойишчилар истеъфо талаб қиладиган учта асосий фигурадан бири. Иккита қолган фигура – ўтган ой ҳукумат раҳбари этиб тайинланган Нуриддин Бедауи ва Бенсалах истеъфо берган ҳолатда унинг ўрнини эгаллайдиган Конституция кенгаши бошлиғи Тайеб Белайз.

"Бенсала, Белайз ва Бедауи – йўқолсин!" – сешанба куни оммавий митинглар рамзи бўлган бош почта бўлими биноси олдида тўпланган намойишчилар шундай дея қичқирарди.

«Тўқсон кун бу – тизим ўзини қўллаб-қувватлаши ва янги фигурага, янги кўринишга эга бўлиши учун етарли вақтдир», - дейди Амина Афаф Чайеб, Франция пойтахти Париждаги жазоирлик фаол аёллардан бири.

«Биз демократия ва катта институционал ислоҳотлар истаймиз», - қўшимча қилди у.

«Мен тизим маҳсулоти бўлган Бенсалах бизни бунга йўналтириши мумкин эканлигига шубҳа қиламан. Бизга тўғри йўлга йўналтириш учун ўтиш даври ҳукумати, ўтиш босқичи – барча жазоирликлар ҳақиқий фуқаролар сифатида иштирок этадиган ҳақиқий демократик республика керак».

Шу аснода, Бутефлика истеъфосига таъсир этган армия кутиш позициясини эгаллади. Жазоирнинг нуфузли ҳарбийлари мамлакат халқи тинч муҳитга эга бўлиш ҳуқуқига эга деб баёнот бердилар, лекин Бенсалахнинг вақтинчалик президент лавозимига тайинланишига изоҳ бермадилар.

Сешанба куни мудофаа вазирлиги маълум қилдики, армия «мамлакатнинг бугунги куни ва келажагида Жазоир халқининг тўлиқ хотиржамлик қонуний ҳуқуқи»ни таъминлашга интилишини маълум қилди.