Қисқа видеоёзувлар жойлашга имкон берадиган TikTok ижтимоий тармоғида бу концлагерлар асирлари бўлган қариндошларининг фотосуратларини намойиш этаётган уйғур мусулмонларнинг роликлари оммавий тартибда пайдо бўла бошлади, хабар беради Albawaba сайти. Бу роликларнинг кўпчилигига қайғули мусиқа жўрлик қилади.

Илова бир хил фон мусиқаси билан ёзилган видеоларни автоматик равишда гуруҳлайди, шунинг учун фойдаланувчилар уйғур мусулмонларидан келган видео хабарларнинг оммавий кўринишини сезишди.

«Бу, шубҳасиз, уйғурларга янада кўпроқ ишонч бағишлайди ва уларга ўз ҳолатлари тўғрисида жамоатчиликка хабар беришга имкон беради. - дейди Сидней университети хитойшуноси Дэвид Брофи. – Улар, афтидан, умидсизликка тушиб, катта таваккал қилмоқда, аммо бу Шинжондаги одамларнинг партияга қарши чиқишларига ва бўлаётган воқеаларга қўшилмасликларига тайёр бўлишда муҳим аҳамият касб этиши мумкин».