Жанубий Африкалик ҳуқуқшунослар БМТ судини Ғазога ҳужумларни тўхтатиш учун Тел-Авивга қарши вақтинчалик чоралар кўришга чақирди.
Исроилнинг қамалдаги Ғазо сектори аҳолисига қарши қасддан ҳаракатлари геноцид қилиш ниятидан далолат беради.
11 январь, пайшанба куни Халқаро судда "геноцид" иши бўйича бўлиб ўтган суд мажлисида Исроилга қарши тегишли айблов даъвогар томон – Жанубий Африка Республикаси (ЖАР) адвокатлари томонидан илгари сурилди.
Суд мажлисининг биринчи кунида Жанубий Африка томони судга Исроилга қўйилган айбловларни асослар ва далилларни тақдим этди.
Суд мажлислари Жанубий Африка ва Исроил томонлари фақат ушбу суд жараёни учун танлаган вақтинчалик судяларнинг қасамёд қилишлари билан бошланди.
Суднинг бош котиби Филипп Готье сўнг ЖАРнинг Исроилга қарши вақтинчалик чоралар кўриш талабларини ўқиб эшиттирди.
ЖАР номидан биринчи бўлиб мамлакатнинг Нидерландиядаги элчиси Вусимузи Мадонсела сўзга чиқиб, "Исроилнинг ўнлаб йиллар давомида инсон ҳуқуқларини поймол қилгани учун жазосиз қолиши уни янада жасоратли қилди" деди.
Судга далил сифатида Анадолу агентлигининг Ғазодан олинган суратлари ҳам тақдим этилди.
Исроил геноцидда айбланаётган ишнинг биринчи мажлисида жанубий африкалик бир гуруҳ ҳуқуқшунослар Ғазо секторида Анадолу агентлиги фотосуратчилари томонидан олинган фотосуратларни далил сифатида судга тақдим этди.
ЖАРни ҳимоя қилаётган адвокатлардан бири Одила Ҳассимнинг айтишича, досье материалларида геноцид далиллари бор ва БМТ агентликлари томонидан тасдиқланган.
"(Исроилнинг) ҳаракатлари геноцидни назарда тутувчи тизимли хатти-ҳаракатлар намунасини кўрсатади", деди у.
Унинг сўзларига кўра, Исроил томонидан ўлдирилганлар сони "Ғазода ҳеч қандай жой хавфсиз эмаслигини" кўрсатади. Унинг таъкидлашича, баъзи ғазоликлар Исроил хавфсиз ҳудуд деб эълон қилган ҳудудларда ўлдирилган.
"Исроил мисли кўрилмаган даражада кўп тинч аҳолини ўлдирди, ҳар бир бомба тинч аҳоли ҳаётига қанча қимматга тушишини тўлиқ билади", деди Ҳассим.
Адвокатнинг таъкидлашича, айни пайтда Исроил Ғазога гуманитар ёрдам йўлини "доимий равишда" тўсиб қўйишда давом этмоқда, эксклав етарлича озиқ-овқат, кийим-кечак ва гигиена воситаларини олмаяпти, аҳоли ичимлик сувидан маҳрум бўлган.
Ҳассим ҳеч ким геноцидни эълон қилмаслигини, лекин Халқаро Суд уни аниқлашга қодир эканлигини таъкидлади ва ЖАР даъвосини қондиришга чақирди.
Яна бир жанубий африкалик адвокат Тембека Нгкукаитоби Халқаро суд "геноцид содир бўлганлиги" ҳақида далилларни талаб қилмаслигини, балки Преториянинг даъвосини қондириш учун "тақдим этилган далиллар асосида "геноцид хавфи" га ишонишни" таъкидлади.
ЖАР Исроилнинг Ғазодаги фаластинликларга қарши геноцид ҳақидаги баёнотларига эътибор қаратди ва БМТнинг 15 махсус маърузачиси ва БМТ ишчи гуруҳининг 21 аъзосини Ғазо секторида содир бўлган воқеалар геноцид эканлиги ҳақида огоҳлантирди, дея эслатди ҳуқуқшунос.
Исроилдаги ҳарбий амалдорлар ва ҳукумат амалдорлари геноцид ниятини ошкор қилувчи баёнотлар берди, деди Нгкукаитоби. Бу шахслар, унинг сўзларига кўра, Ғазо бутунлай вайрон этилиши ва аҳолисининг йўқ қилинишини хоҳлайди, деди адвокат.
Тингловларни томоша қилганлар орасида Британиянинг асосий мухолифатдаги лейбористлар партиясининг собиқ раҳбари Жереми Корбин ҳам бор эди. Суд мажлислари очиқ бўлиб, журналистларга суд залидан жонли видео кўрсатишга рухсат берилмаган.
Фаластин Ташқи ишлар вазирлиги: Гаагада Исроилга қарши суд жараёни тарихий воқеа
Фаластин Исроилга қарши даъво кутилган натижаларга эришишига ишончи комил, деди департамент
Халқаро судда Исроил устидан суд жараёни тарихий воқеа ва Фаластин халқи тингловни интиқлик билан кутмоқда. Бу ҳақда 11 январь, пайшанба куни Фаластин ташқи ишлар вазирлиги маълум қилди.
Бир қатор давлатлар томонидан Исроилга кўрсатилаётган сиёсий ва ҳарбий ёрдам, уларнинг Тел-Авив фойдасига вето ҳуқуқидан фойдаланиши, шунингдек, халқаро ҳамжамиятнинг "ожизлиги" бу давлатни фаластинликларга қарши жиноят ва геноцид қилишга ундади, қайд этилди департамент томонидан.
Фаластин Исроилга қарши даъво кутилган натижаларни беришига ишонади ва қардош ва дўст мамлакатларни Жанубий Африканинг даъвосини қўллаб-қувватлашга чақиради, дея қўшимча қилди ТИВ.
Халқаро судда Жанубий Африканинг Исроилга қарши даъвоси юзасидан тингловлар бошланди.
11 январь, пайшанба куни Гаагадаги Халқаро судда Жанубий Африканинг Исроилга қарши "геноцид"да айблаган даъвоси бўйича тингловлар бошланди.
Суд мажлисининг биринчи кунида жанубий африкалик ҳуқуқшунослар томонидан судьяларга Исроилнинг Ғазо секторида геноцид нияти билан ҳаракат қилаётганини исботлашга уринадиган далиллар келтирилди.
Фақат давлатлар ўртасидаги низоларни кўриб чиқадиган Халқаро Суд давлатлар ўртасида юзага келадиган ҳуқуқий низоларни халқаро ҳуқуқ нормаларига мувофиқ ҳал қилади.
Гаагадаги Халқаро Жиноят Судидан фарқли ўлароқ, Халқаро Суд алоҳида шахсларнинг ишларини кўрмайди.
