Собиқ УФC чемпиони Ҳабиб Нурмагомедов Махачқалъадаги теракт туфайли катта муаммога дуч келди.

Аралаш яккакурашлар бўйича россиялик жангчи, собиқ УФC чемпиони Ҳабиб Нурмагомедов Россия махсус хизматларининг диққат марказида бўлди. Унинг муаммолари Махачқалъадаги шов-шувли терактдан кейин пайдо бўлган.

Бу ҳақда Россиянинг АСТРА нашри ёзмоқда.

Ҳабибнинг ҳисоблари Россия Федерал солиқ хизмати томонидан музлатилган. У 297 миллион рубл миқдорида солиқ тўлашдан бўйин товлаганликда айбланмоқда.

Бироқ, Нурмагомедов Путин режимининг ғазабига учраган, дейишга барча асослар бор. Ўтган ҳафта унинг жанг санъатлари мактабида Махачқалъадаги теракт билан боғлиқ ҳолда кенг кўламли қидирувлар бўлиб ўтди. Маълум бўлишича, шаҳарга ҳужум қилган жангарилар унинг клубида машғулот ўтказиб юрган экан.

Эслатиб ўтамиз, Нурмагомедов Кремлга тўлиқ содиқ одам. У Украинага қарши тажовузни қўллаб-қувватлаган ва ҳатто Донбассни босиб олишда иштирок этган, "Л/ДПР" ёш спортчиларни тарбиялаган. Бироқ, бу позиция уни руслар олдида қутқара олмади.

Эслатиб ўтамиз, 2024-йилнинг 23-июн куни кечқурун бир гуруҳ террорчилар Дербент ва Махачқалъага ҳужум қилган эди. Улар полиция ходимлари, православ черковлари ва синагогаларга ҳужум қилишган. Отишма кечгача давом этди. Камида 20 киши қурбон бўлди, уларнинг аксарияти хавфсизлик кучлари эди.

Беш нафар террорчи йўқ қилинди.