Исроил армияси Ғазо шарқидаги Эд-Дерак туманида бошпана топган Эт-Табиин мактабига ҳужум қилди



Исроил армиясининг Ғазо шаҳрида кўчирилганлар бошпана топган мактабга уюштирган ҳужуми оқибатида камида 100 нафар фаластинлик ҳалок бўлгани, ўнлаб кишилар яралангани маълум қилинди.

Фаластиннинг WAFA ахборот агентлиги хабарига кўра, Исроил армияси Ғазо шарқидаги Эд-Дерак туманида кўчирилганлар бошпана топган Эт-Табиин мактабига ҳужум қилди.

Муҳожирлар минглаб одамлар бошпана топган мактабда бомдод намозини ўқиётган пайтда содир бўлган ҳужумда камида 100 киши ҳалок бўлди, ўнлаб кишилар тан жароҳати олди.

Маҳаллий манбаларнинг қайд этишича, жасадлар ҳужум туфайли қисмларга бўлинган ва ёнғин туфайли ёниб кетган.

Исроил армияси ҳаво кучлари ҲАМАС штаб-квартираси сифатида фойдаланган Табин мактабини бомбалаганини эълон қилди.

Шу билан бирга, ҳукуматнинг Ғазодаги матбуот бўлими томонидан Ғазо секторида ўлдирилган журналистлар билан боғлиқ ёзма баёнотда, Фаластин телевидениесида ишлаган Тамим Аҳмед Абу Муаммар ва Ал-Ақса каналида ишлаган Абдулла Маҳир ал-Сусий исмли журналистлар ҳаётдан кўз юмгани маълум қилинди.

Фаластинлик журналистларнинг нишонга олиниши ва ўлдирилиши қораланган баёнотда, Исроилнинг халқаро ҳамжамият ва ташкилотлар томонидан давом этаётган жиноятлари учун халқаро судларда судланиши, Геноцид, қирғин ва журналистларни ўлдириш жиноятларини тўхтатиш учун Исроилга босим ўтказиш талаб қилинди.

Шу тариқа, 2023-йил 7-октабрдан бери Исроил армияси томонидан ҳужумга учраган Ғазо секторида ҳалок бўлган журналистлар сони 168 нафарга етди.