Татаристон муфтийси исмоилоға сектасининг вакили Комил Самигуллин Украинадаги уруш иштирокчилари муайян шароитда Аллоҳ томонидан дини учун қурбон бўлган шаҳид ўлароқ қабул қилиниб, жаннатга кириши мумкинлигини қайд этди.
“Агар аскар имонли бўлиб, ўз уйи, ўз оиласи ва Ватанини ҳимоя қилаётган бўлса, Аллоҳ уни шаҳид ўлароқ қабул қилади”, дея иқтибос келтирган Бизнес Online нашри Самигуллин сўзларидан.
Муфтийга кўра, россиялик ҳарбийлар “адолатли уруш” олиб боришмоқда, чунки бу билан улар Фаластинга ёрдам беришяпти.
“Нимага деганда, Украинага ёрдам туфайли АҚШ Исроилга камроқ пул сарфлашга мажбур бўлади”, дея қўшимча қилган Самигуллин.
Бу муфтий Комил Самигуллиннинг илк шов-шувли баёноти эмас. Аввалроқ Татаристон Мусулмонлар диний идораси раиси дунёвий расмийлар томонидан ҳижобни тақиқлаш масаласи муҳокама этилаётганини кескин танқид қилган, Россия Конституциясига “давлатни шакллантирувчи миллат” тушунчаси киритилишига қарши чиққан ҳамда расмийларни Махачқалъа аэропортидаги яҳудийларга қарши тартибсизлик иштирокчиларига нисбатан марҳаматли бўлишга чақирган эди.
