Британиянинг Financial Times журнали хабарига кўра, Суриянинг собиқ президенти золим Башар Асаднинг хотини Асма Асад Москвада қон саратони қайталангани сабабли даволанишни бошлаган.
Шунингдек, Асма Асаднинг ота-онаси ҳам Россия пойтахтида бўлиб турибди. Асадлар оиласининг қизи Зейн ҳам Москвага келган, у Абу-Дабидаги Сорбонна университетида таълим олади.
Жорий йилда собиқ биринчи хонимда ўткир миелолейкоз аниқланган, 2019 йилда эса Асма Асадда кўкрак саратони туфайли жарроҳлик амалиёти ўтказилган. Ўшанда у соғайганини маълум қилган эди.
