Эрон армияси Исроилга сезиларли зарбалар берди, бу икки давлат ўртасидаги можаронинг боришини ўзгартириши мумкин — Эроннинг SNN телеканалининг хабар беришича, Тель-Авив яқинидаги "Моссад" штаб-квартираси ва Исроил ҳарбий разведкасининг "АМАН" бошқарув базаси Эрон ўти остида қолган.

Аниқланишича, Эрон ракеталари урган Исроилнинг стратегик объекти "Глилот" ҳарбий базаси ҳудудида жойлашган.

ИИҚК кучлари бинога бир нечта ракета учирган, бу ракеталарга Исроил ҳаво мудофааси тизимлари ожиз қолган.

ИИҚК баёнотида таъкидланишича, Эрон операциясининг мақсади "Тель-Авивдаги "Моссад"нинг террорчилик операцияларини режалаштириш маркази" бўлган.

ОАВнинг қайд этишича, Эрон ракеталари Тель-Авив яқинидаги Глилот ҳудудига келиб тушган, у ерда Исроил махсус хизматларининг тузилмалари, жумладан, радиоэлектрон разведка учун масъул бўлган махфий 8200-қисм жойлашган.

Бундан аввал Эронда Исроилга қарши энг янги қуроллардан фойдаланиш бошланганини маълум қилишган эди. Эрон Қуролли Кучлари қуруқликдаги қўшинлари қўмондони Қаюмарс Ҳайдарийнинг таъкидлашича, илғор қуролларни қўллаган ҳолда қарши зарбалар яқин соатларда кучайтирилади. Аввалроқ Эронда "Моссад" томонидан режалаштирилган терактларнинг олди олинган эди.

Абу Муслим