Россия Федерацияси Президенти Валдай шаҳридаги қароргоҳга кўчиб ўтди, у ердан жараёнларни масофадан туриб бошқаради. Кўпчилик бу маълумотларга салбий муносабат билдирди. Журналист Олег Ролдугиннинг сўзларига кўра, президент қўриқчиларидаги манба Путин Кремлни тарк этиб, Валдай қароргоҳига борганини тасдиқлаган.

"Около Кремля" телеграм-каналида ҳам Россия раҳбари коронавирус туфайли Москвани тарк этгани ҳақида хабар берилган. Путиннинг матбуот котиби Дмитрий Песков Россия Федерацияси раҳбарининг Валдайдаги қароргоҳига ўтказилгани ҳақидаги маълумотни тасдиқламади, аммо рад этмади ҳам. Шунингдек, у Москва мерининг 65 ёшдан ошган одамларни ўз-ўзини изоляция қилиш тўғрисидаги қарори Путинга тааллуқли эмас, чунки у президент вазифаларини бажариши шартлигини айтди.

Бунгача Песков Россия Федерацияси Президенти Владимир Путинга коронавирус мавжудлигини текшириш учун бирон бир текширувдан ўтиши шарт эмаслиги ҳақида хабар берган. У Россия раҳбари ўзини яхши ҳис қилаётганини ишонтириб айтди.

Аввалроқ, Иван Яковинанинг таъкидлашича, Россияда коронавирус эпидемияси кўлами ОАВ ёки расмийларнинг ўзлари айтаётганидан анча катта. Унинг фикрига кўра, Кремл ваҳима қўзғашдан қўрқиб, Хитой билан чегарадош ҳудудларда инфекциялар ҳақида расмий маълумотларни ошкор қилмайди.