У 23 март куни вафот этди ва бир кун ичида коронавирус инфекцияси туфайли ўлган Мисрнинг иккинчи қўмондони бўлди. Бир кун олдин ушбу бошкарманинг сув бўлими бошлиғи, генерал-майор Холид Шалтут касалликнинг қурбонига айланди.
Middle East Eye сайти мисрлик манбага таянган ҳолда хабар қилишича, ас-Сиси касаллик ташувчиси бўлганлиги эҳтимоли юқори. Бироқ шу пайтга қадар ҳеч қандай расмий изоҳ берилгани йўқ.
Ижтимоий тармоқларда коронавирусдан бошқа бир генералнинг: қуролли кучларнинг муҳандислик бўлими бошлиғи генерал-майор Маҳмуд Шохиннинг ўлими ҳақида миш-мишлар тарқалмоқда. Ушбу маълумот тасдиқланмаган тақдирда ҳам, бир кунда икки генералнинг ўлими бизга эпидемиянинг ҳақиқий ҳажмини аниқлашга имкон беради, дея ёзади ОАВлар.
Расмий маълумотларга кўра, Мисрда бу касалликка чалинганлар сони 327 кишини ташкил этади, 14 та ўлим қайд этилган. Кўпгина мутахассисларнинг фикрига кўра, бу маълумотлар пасайтириб кўрсатилган, чунки аҳоли кўп бўлган ҳудудда COVID-19 тезроқ тарқалган бўлиши керак.
