У шунингдек, Нью-Йорк штати ва шаҳрига ИВЛ аппаратлари юборилишини маълум қилди. Ҳозир омборларда бндай аппаратлар сони 10 мингтани ташкил қилади, деди Трамп.

Президент, шунингдек, "минглаб ва минглаб" ҳарбий хизматчилар АҚШ штатларига ёрдам бериш учун юборилишини айтди. Трампнинг сўзларига кўра, сафарбар қилинган ҳарбий хизматчилар сафига ҳарбий шифокорлар ва ҳамширалар киради.

Bloomberg маълумотларига кўра, АҚШ раҳбарининг сўзларига қараганда, келгуси ҳафта "энг оғир" бўлиши мумкин, чунки мамлакатда "кўплаб ўлимлар" бўлиши мумкин.

Аввалроқ, 4 апрел куни АҚШ Мудофаа вазирлиги коронавирус оқибатида ўлганларнинг жасадларини дафн этиш ва кремация қилишда ёрдам бериш учун ҳарбий дафн гуруҳларини Нью-Йоркка ўтказаётгани маълум бўлди. Виржиния штатидан вақтинча кўчирилган жамоада 42 киши бўлган. Ҳарбий экспертлар бошқа штатларга ҳам боришган.

Нью-Йоркдаги Жон Хопкинс университети маълумотларига кўра, пандемия бошлангандан бери 2624 киши вафот этган. Умуман олганда, мамлакатда 8499 та ўлим қайд этилган, 312 мингдан ортиқ одам касаллик юқтириб олган.