Уларнинг тестлари кетма-кет уч марта салбий бўлиб чиқди", - Чунцин армияси тиббиёт университети шифокорларининг шу сўзлари South China Morning Post нашрида келтирилди.

Олимлар 78 ёшли аёлнинг ишини тадқиқот учун олиб кетишган. У COVID-19 билан касалхонага ётқизилганди. У даволанди, шундан сўнг учта тест салбий натижани кўрсатди. Бундан ташқари, тиббий экспертиза хитойлик аёлнинг тузалиб кетганлигини кўрсатди. Аммо, эртаси куни бемор инфарктдан вафот этди.

Мутахассислар яна бир тадқиқот ўтказдилар. Электрон микроскоп ёрдамида шифокорлар ўпканинг чуқур тўқимасида ўлик коронавирус заррасини кўрдилар. Шуниси эътиборга лойиқки, COVID-19 белгилари юрак ёки ичак тўқималарида, жигарда ва суяк илигида топилмаган.

Хитойлик шифокорлар ушбу натижаларни Cell Research илмий журналида эълон қилишди. Олимлар, шунингдек, ўпкада яширин штаммлар аниқ аломатларга олиб келмаслигини таъкидладилар.

2019 йил охирида Хитойда коронавирус эпидемияси бошланди. Касалликнинг биринчи ҳолати Хитойнинг Ухан шаҳрида қайд этилган. Кейинчалик вирус бутун дунё бўйлаб тарқалди - юқтирганлар сони уч миллиондан ошди. Энг ёмон аҳвол АҚШда. Бир миллиондан кўпроқ одам касаллик юқтирган ва 60 минг киши ўлган.