Чоршанба куни Туркия Мудофаа вазирлиги Ироқ шимолида "Йўлбарс чангали" йирик операцияси пайтида мамлакатда тақиқланган КИПнинг 150 нишонини йўқ қилишни эълон қилди. Шунингдек, пайшанба куни Ироқ Ташқи ишлар вазирлиги Эроннинг Боғдоддаги элчиси Ираж Масжедига Эрон қуролли кучлари томонидан икки мамлакат чегарасидаги қишлоқларни ўққа тутиши муносабати билан норозилик билдирди.
"Миср Туркия ва Эроннинг Ироқнинг шимолидаги ҳарбий ҳужумларини кескин қоралайди. Ушбу тажовузкор ҳаракатлар қардош Ироқнинг бир қатор қонунбузарликлар (суверенитет - таҳр.) давоми ва давлатлар суверенитети ва яхши қўшничиликни ҳурмат қилиш муҳимлигини кўрсатувчи барча халқаро шартномалар ва ҳужжатларни бузишдир" - дейилади РИА Новости олган Миср Ташқи ишлар вазирлиги пресс-релизида.
Қоҳира ҳар қандай араб давлатларининг суверенитетини бузадиган бундай ҳаракатларга қарши, чунки улар "минтақадаги беқарорликни кучайтириши" га олиб келади.
Миср барча томонларни Ироқ суверенитетини ҳурмат қилишга ва "Ироқ ҳукумати ва халқининг барқарорлик ва ривожланиш борасидаги амбитсияларини амалга оширишга халақит берадиган минтақавий ва халқаро бирлашмалардан қочишга" чақиради.
