Қурайший баёноти кўпчилик Исломобод махфий равишда Исроилга ўз дипломатини юборган эканлиги ҳақида миш-мишлар тарқалган шароитларда ҳал қилувчи деб ҳисоблаган БААга ташрифдан кейин қилинди.
Исломобод Исроилнинг асосий ОАВдан бирида пайдо бўлган хабарни рад қилди.
Саудия Арабистони, БАА ва бошқа Форс кўрфази давлатлари томонидан Исроилни тан олиш учун босим ўтказилгани ҳақидаги хабарларга жавоб берар экан, Қурайший БАА лик ҳамкасбига "покистонликларнинг Фаластин ва Кашмирга нисбатан ҳис-туйғуларининг чуқурлиги"ни тушунтирди.
Унинг сўзларига кўра, БАА ташқи ишлар вазири бу икки масала бўйича «бизнинг туйғуларимизни тўлиқ тушунди».
Исроилни тан олиш ҳақида Исломободга босим ҳақида хабарларни инкор қиларкан, у деди: «Биринчидан, бизга ҳеч қандай босим бўлмайди. Иккинчидан, биз Покистон манфаатларини ҳисобга олган ҳолда қарор қабул қилишимиз керак, қандайдир босим туфайли эмас. Бизнинг ўз сиёсатимиз бор ва биз унга амал қилишда давом этамиз».
У бош вазир Имрон Хон «такрор ва такрор изоҳ бердики, бу борада бизга ҳеч қандай босим йўқ» деб айтди.
Ўтган ой Имрон Хон Исломободга бир неча «дўстона» мамлакат унинг Исроилни тан олиши учун босим кўрсатгани ҳақида маълум қилганида газеталар сарлавҳаларидан ўрин олган эди.
Гарчи бу мамлакатлар мусулмон мамлакатларми ёки йўқми деб бир неча марта савол берилганда у жавоб бермаган бўлсада, кўпчилик Покистон етакчиси Саудия Арабистони ва БААни кўзда тутган деб ҳисоблайди.
БАА, Бахрейн ва Марокаш яқинда Исроил билан дипломатик ва иқтисодий алоқалар ўрнатди, Форс кўрфазининг бошқа айрим давлатлари, жумладан, Саудия Арабистони ҳам у билан алоқаларни нормаллаштириш вариантлари ҳақида ўйламоқда.
Исломободнинг бир қатор масалалар, жумладан, Ямандаги уруш ва Қатарнинг қамал қилиниши бўйича «бетарафлик» туфайли охирги йилларда Покистоннинг Форс кўрфазидаги анъанавий иттифоқчилари билан муносабатлари кескинлашиб қолди.
Ар-Риёдни, афтидан, Покистон билан Ҳиндистон ўртасида Кашмир билан боғлиқ низога нисбатан бефарқ позицияси учун Исломобод томонидан танқид қилиниши ғазаблантиряпти.
Айни пайтда, Қурайший БААдан келган ҳамкасби билан учрашувда Покистон фуқаролари учун виза чекловлари масаласини ҳам кўтаргани хабар қилинган.
Амирликлар вакили Қурайшийни виза чекловлари "вақтинчалик" эканлиги ва фақат COVID-19 пандемиясининг бошланиши туфайли қўлланилганига ишонтирди.
Бунга ишониш, кийин, албатта, агар берилган мамлакатлар рўйхатига қарайдиган бўлсак. Эслатиб ўтамизки, ўтган ой БАА 13 асосан мусулмонлар яшайдиган давлатлар фуқароларига янги визалар беришни тўхтатди. Қарор 18 ноябр куни кучга кирди ва Яман, Сурия, Ироқ, Ливия, Афғонистон, Покистон, Сомали, Кения, Ливан, Тунис, Жазоир, Туркия ва Эрон фуқароларига нисбатан амал қилади.
