Давлат раҳбари Facebook ижтимоий тармоғида видеомурожаат қилди.

“Мен бу мурожаатни хушхабар билан бошлашим мумкин: биз омон қолдик! Ва биз душман ҳужумларини муваффақиятли равишда қайтаряпмиз. Давлатимизнинг кўплаб шаҳар ва туманларида жанглар давом этмоқда, лекин биз ватанимизни, ўз еримизни, болалармиз келажагини ҳимоя қилаётганлигимизни биламиз. Киев ва пойтахт атрофидаги муҳим шаҳарлар бизнинг армиямиз томонидан назорат қилиняпти. Босқинчилар давлатимиз марказини тўсиб, Донецкдагидек қўғирчоқларини бу ерга қўймоқчи бўлди. Биз уларнинг режасини буздик. Улар биздан ҳеч қандай устунликка эриша олишмади», - дея Украина раҳбарининг сўзларини келтиради Униан.

"Бизнинг кўчаларимизда, Киев осмонида, Васильковда, Вишгородда, ҳатто унинг атрофидаги далаларда ҳам Киев учун ҳақиқий жанг давом этди. Душман бизга қарши ҳамма нарсани ишлатди: ракеталар, қирувчилар, дронлар, артиллерия, зирҳли техника, диверсантлар ва десант. Босқинчилар турар-жой ҳудудларига, жумладан ракета артиллериясидан зарба беришмоқда. Улар энергия объектларини йўқ қилишга ҳаракат қилмоқдалар. Уларнинг жуда айёр тактикаси бор. Ракета ва артиллерия томонидан вайрон қилинган турар-жой бинолари биз билан бирга босқинчиликни тўхтатиш учун дунёнинг сўнгги далилидир”, деди Президент.

Зеленский Украина Европа Иттифоқига аъзо бўлиш ҳуқуқини қўлга киритганини таъкидлади. “Мен буни ҳозир иложи борича очиқ айтяпман: Украина халқи аллақачон Европа Иттифоқига аъзо бўлиш ҳуқуқини қўлга киритган ва олиш ҳуқуқига эга. Бу мамлакатимизни қўллаб-қувватлаётганининг асосий далили бўлади. Узоқ муддатли стратегик мунозарани бир маротаба якунлаш ва Украинанинг Европа Иттифоқига аъзолиги тўғрисида қарор қабул қилиш учун ҳал қилувчи вақт келди”, — деди Зеленский.

Давлат раҳбари бу масалаларни Европа кенгаши раиси Шарл Мишел, Еврокомиссия раиси Урсула фон дер Ляйен ва Франция президенти Эммануел Макрон билан муҳокама қилганини айтди.



24 февралга ўтар кечаси Россия президенти Владимир Путин Украина Донбассида махсус ҳарбий операция бошланганини маълум қилди. Бунинг ортидан рус армияси Украинага ҳужум қилди.

Украина шаҳарлари, жумладан Киев ҳам ракета ва бомбали ҳужумларга учраган.

Украина президенти Владимир Зеленский бунга жавобан мамлакат бўйлаб ҳарбий ҳолат жорий этилаётганини айтди. Украина раҳбари, шунингдек, Россия билан дипломатик алоқалар узилишини маълум қилди.

Кремлнинг хатти-ҳаракатлари БМТда ва дунёнинг аксарият пойтахтларида қораланди.

Россияга нисбатан қаттиқ санкциялар жорий этилди.